ئەو یارییە یەکێك بوو لە بەهێزترین ڕووبەڕووبوونەوەکان لەسەر ئاستی ئیسپانیا و تاموچێژێکی تایبەتی هەیە، بۆیە لە هەموو شوێنێکی جیهان گرنگی پێدەدرێت، بەڵام جیاوازی یارییەکەی ئەوجارەیان لەوەدا بوو، کە یانەی شاهانە لە هەوڵی درێژەدان و بەردەوامبوونیدایە لەسەر ئەنجامە باشەکانی ئەمدواییەی، بۆیە بردنەوە لەو یارییەدا زۆر گرنگ و پێویست بوو بۆیان، یانەی ژێرئاوییە زەردەکانیش بە نیازی ڕاگرتنی هەژموونە نوێیەکەی یانەی شاهانەدا بوون و بردنەوەیان کردبووە ئامانجی سەرەکی خۆیان، بەڵام ئەنجامی یارییەکە دەریخست هەڵسانەوەکەی یانەی ڕیال مەدرید زۆر بەهێزە و بەری پێناگیرێت.
یارییەکە بە بردنەوەی یانەی مێرەنگێ بە ئەنجامی 2-0 کۆتاییهات، گۆڵەکانیش لەلایەن “لۆکا مۆدریچ” لە خولەکی 32 و “کریستیانۆ ڕۆنالدۆ” لە خولەکی 40 تۆمارکران.
ئەو سەرکەوتنەش هەنگاوێکی گرنگ و گەورەی یانەی شاهانە بوو لە گەڕانەوەیان بۆ سەر ڕێچکەی سەرکەوتنەکان و ڕکابەریکردن بەوپەڕی ئامادەییەوە لەسەر سەرجەم نازناوەکان، شکستەکەی یانەی ڤیاڕیالیش هەوادارنی تووشی بێهیوایی کرد.
إرسال تعليق