لێکۆڵینەوەکە حەوت وڵاتی ئەوروپی گرتەوە کە ڕەوەندی موسڵمانانانی تێدا دەژین، کە بریتین لە ئیتاڵیا و فەڕەنسا و بەڕیتانیا و ئەڵمانیا و ئیسپانیا و پۆڵەندا، لێکۆڵینەوەکە ئاماژەی بۆ ئەوەش کردووە کە نزیکەی نیوەی ئیتاڵی و یۆنانی و پۆڵەندییەکان، بۆچوونی خراپیان هەیە لە بەرامبەر ئەو موسڵمانانەی لە وڵاتەکانیان دەژین.
لەسەر ئاستی یەك وڵاتیشدا، ئەڵمانەکان بۆچوونیان جیاوازە لە بەرامبەر موسڵمانان، بەوەی 47% لەوانەی سەر بە پارتی ڕاستڕەوی ئەڵمانین، تێڕوانینی گوماناوییان هەیە، لە کاتێکدا تەنها 20% ی چەپڕەوەکان بە خراپ بۆ موسڵمانان دەڕوانن.
بەڵام ئەوانەی نیگەرانن لە موسڵمانان، لەوانەی لە ڕیزەکانی پارتی ڕاستڕەوی ئیتاڵین، ڕێژەکەیان دەگاتە 72%، لە کاتێکدا ڕێژەکە لە ڕیزەکانی پارتی چەپڕەوی ئیتاڵی 50% یە.
هەر بە گوێرەی لێکۆڵینەوەکە، لێبوردەترین لایەن لە بەرامبەر موسڵمانان، پارتی چەپڕەوی فەڕەنسییە، ئەوە لێکۆڵینەوەیەش دەریدەخات کە چەپڕەوەکانی ئەوروپا لە موسڵمانان ڕازیترن بە بەراورد بە ڕاستڕەوەکان.
إرسال تعليق