بە درێژایی کاتی یاسایی هەردوو گێمی یارییەکە، هەردوو تیپ ئاستێکی بەرزیان پێشکەشکرد و شایستەیی خۆیان بە بردنەوەی نازناوەکە پیشاندا، بەڵام سەرەڕای هەوڵدانە بەردەوامەکانیان و لەکیسدانی دەرفەتەکانی گۆڵکردن، سەرەنجام هەردوو یانەکە یەکسانبوون و پەنایان بردە بەر کاتی زیادکراوی یارییەکە.
لە گێمی یەکەمی زیادکراودا، یارییەکەدا بە ئاراستەی یەکسانبوونەکە بوو، هیچی نوێش بەدینەکرا لە کەشوهەوای یارییەکە، بەڵام لە دەستپێکی گێمی دووەمی زیادکراو و لە خولەکی 107 ی یارییەکەدا، “ئاریان ڕۆبن” گۆڵێکی گرنگی بۆ باڤارییەکان تۆمار کرد و یانەکەی نزیککردەوە لە بەرزکردنەوەی جامی نازناوەکە، یاریزانانی دۆرتمۆند بەو گۆڵە کوشندەیە کەوتنەوە خۆیان و دەستپێشخەریانکرد بە چەند هێڕشێکی مەترسیدار بۆ سەر گۆڵی یانە باڤارییەکە بە ئامانجی ڕاستکردنەوەی ئەنجامەکە، بەڵام ئەوە بە زۆر لەسەریان کەوت، چونکە لە خولەکی 122 ی یارییەکەدا و لە هێڕشێکی هەڵگەڕاوەدا، “تۆماس مۆلەر” گۆڵی دووەم و دڵنیایی و دەستەبەرکردنی نازناوەکەی تۆمار کرد.
بەوەش یانەی بایرن میونخ بۆ جاری 17ــەم لە کۆی 20 یاری کۆتایی جامی ئەڵمانیا، کە لە مێژووی خۆیدا ئەنجامیداوە، بووە پاڵەوانی نازناوەکە.
إرسال تعليق