 |
| گەورەترین مزگەوت لە تۆکیۆی پایتەختی یابان |
پارێزگاکە لەناو کۆمەڵگا بازرگانییە گەورەکان شوێنی تایبەت بە نوێژکردن دابین دەکات، هەروەها خواردەمەنی حەڵاڵ لە چێشتخانە و بازاڕەکانی ناوچەکە دەستەبەر دەکات.
بەرپرسانی پارێزگاکە هەڵدەستن بە ئەنجامدانی سیمیناری مانگانە بۆ کەرتە جیاوازەکانی یابان بە مەبەستی ئاشناکردنیان بە پێداویستییەکانی موسڵمانان و گۆڕینی شارەکە بۆ ناوچەیەکی دۆستی موسڵمانان.
بەرپرسی کەرتی گەشتیاری لە پارێزگاکە “ماسانۆبۆ تاناکا” داوای هەماهەنگی لە هەمووان کردووە لە پێناو ڕاکێشانی زۆرترین ژمارەی گەشتیارە موسڵمانەکان، ئەوەش لە ڕێگەی ڕێزگرتن و ڕەچاوکردنی نیشانە ئایینەکانیان، دووپاتیشی لەوە کردەوە کە ئەوە ڕێگەخۆشکەرە بۆ بوژانەوەی پارێزگاکەیان لە ڕووی ئابوورییەوە و پێگەکەشی لەسەر ئاستی جیهانی بەرز دەکاتەوە.
شایەنی باسە ئەو هەنگاوە گرنگە پێشوازییەکی گەورەی لێکرا لەلایەن ڕەوەندی موسڵمانان لە یابان، لای خۆشییەوە بەڕێوبەری “کۆمەڵەی حەڵاڵی یابانی” وتی: کەرتە بازرگانییەکانی یابان ئاواتەخوازن بەکاربەرە موسڵمانەکان بۆ لای خۆیان ڕابکێشن، ئەوەش بە دابینکردنی بەرهەمی حەڵاڵ، چونکە وەکو بەڕێوبەری کۆمەڵەکە “تۆمۆهیرۆ ساکۆما” دەڵێت، ژمارەی دانیشتووانی یابان ڕوو لە کەمبوونەوەیە.
إرسال تعليق