پسپۆڕانی بواری پزیشکیش لە ساڵانی ڕابردوو تا ئێستاش، چەندین لێکۆڵینەوەی زانستی چڕوپڕیان لەسەر خورما ئەنجامداوە و ئەوەیان ئاشکراکردووە، کە خورما پڕ سوودترین جۆری خواردەمەنی و شیرنەمەنی سروشتییە کە تەندروستییەکی بەهێز بە مرۆڤ ببەخشێت، لەوەش گرنگتر ئەوەیان پشتڕاست کردۆتەوە کە خورما کاردانەوەی خراپ لەسەر تەندروستی مرۆڤ دروستناکات.
ئێمە لێرەدا مەبەستمان نییە قسە لەسەر گرنگی و بایەخی خستنەڕووی ئەو لێکۆڵینەوە زانستییانە بکەین، بەڵکو دەمانەوێت لە دیدگایەکی دیکەوە باس لە گرنگی خورما بکەین، ئەویش گرنگی ڕۆژووشکاندنە بە خورما، کە لەو چەند خاڵەی خوارەوە بۆ ڕۆژووەوانانی موسڵمانی ڕووندەکەینەوە:
- خواردنی 3 دەنکە خورما لە کاتی ڕۆژووشکاندن زۆر سوودبەخشە بۆ تەندروستی.
- خورما مادە شیرینییە سادەکان لەخۆدەگرێت.
- قەرەبووی ئەو شیرینییە دەکاتەوە کە لە ماوەی بەڕۆژووبووندا لە جەستەی مرۆڤ کەمیکردووە.
- بە پاککەرەوەی جەستەی مرۆڤ دادەنرێت لە مادە ژەهراوییەکان.
- مادە چەورییەکانی زۆر کەم تێدایە.
- ڕێژەیەکی بەرز لە مادەی ئاسن لەخۆدەگرێت، ئەوەش بۆ بەهێزکردنی ڕۆژووەوان لە ڕووی جەستەییەوە زۆر گرنگە.
- زۆر سوودبەخشە بۆ قەبزی، کە زۆرجار ڕۆژووەوانان ئەو گرفتەیان بۆ دروست دەبێت.
- جگەر و دڵ و خوێن بەهێز دەکات.
- بۆ سەرئێشە و ژانی لاسەر زۆر گرنگ و سوودبەخشە.
- هەرسکردنی خورما ئاسانە.
- خورما شڵەژان و گرفتەکانی کۆئەندامی هەرسکردن کەمدەکاتەوە.
- خورما وزەبەخشە بۆ جەستەی مرۆڤ.
ئەوانەی باسمان کردن زۆر گرنگن بۆ ڕۆژووەوانان، بۆیە گرنگتر لەوەش ئەوەیە لە کاتی بەربانگی ئێواراندا لەبەر چاویان بگرین و بیکەینە یەکەم شت بۆ ڕۆژووشکاندن، خوای گەورە ڕۆژووەکانتان و تاعەت و عیبادەتتان قەبول بکات.
إرسال تعليق