ـ تاکە چارەسەری کێشە دەروونییەکان بریتییە لەوەی، کە نابێت مرۆڤ بێکار یان تەنیا بێت!.
ـ کێشەکانت بۆ خەڵك ڕوون مەکەوە، چونکە ئەو کەسەی پێتدەڵێت: چۆنیت؟، ئەوە تەنها سڵاوکردن و پرسیارێکە و بەس!.
ـ مرۆڤی بێبەخت نییە، بەڵام هەندێك بیرۆکە هەن، کە هۆکاری بەدبەختین، بیرۆکەی گەشبینیش نین، بەڵکو کەسە گەشبینەکان هەن، چونکە ئەوان بڕیاریانداوە لە ژیاندا گەشبین بن!.
ـ ئەوە شکستەکانن، کە سەرکەوتن دروستدەکەن!.
ـ قەت مەڵێ کاتی پێویستم نییە، چونکە هەموو مرۆڤە گەورەکان ڕۆژەکانیان لە (24) کاتژمێر زیاتر نەبووە!.
ـ جگە لە خۆت، هیچ کەسێك نییە فرمێسکەکانت بسڕێت، کەسیش نییە لە پاشی خودا سەرکەوتنەکانت بۆ بەدەستبێنێت جگە لە عەقڵ و دەستی خۆت نەبێت!.
ـ لەبەر یەك هۆکاری سادە من هەمیشە گەشبینم، چونکە هیچ سوودێکم لە پێچەوانەکەیدا نەبینیووە کە (ڕەشبینی) یە!.
ـ سەلیقە و میزاجەکەت، گرانبەهاترین سەروەت و سامانتە، بۆیە سەلیقە و میزاجەکەت بەرز بکەرەوە بۆ ئەوەی بنووسیت تا کار بکەیت، بۆ ئەوەی بە ئیجابییانە هەڵسوکەوت بکەیت، کەوایە دەرفەت بە هیچ دروستکراوێك مەدە سەلیقە و میزاجەکەت بشێوێنێت!.
إرسال تعليق