هەڵۆکەی جەنگیزخان نموونەی هاوڕێی ڕاستگۆ بوو، تەنانەت ئەگەر بێدەنگیش بوو.. ڕۆژێکیان جەنگیزخان بە تەنها دەچێتە چۆلەوانی و کەسی لەگەڵ نییە بەس هەڵۆکەی نەبێت، بەردەوام دەبن لە ڕۆیشتن و تینوێتی بۆیان دێنێ..!، جەنگیزخان دەیەوێت ئاو بخواتەوە، چاو دەگێڕێت و کانیاوێك لە خوارەوەی شاخێك دەدۆزێتەوە، جامەکەی دەخاتە ناو کانیاوەکە و پڕیکرد لە ئاو، کاتێك ویستی بیخواتەوە، هەڵۆکە جامەکەی لە دەست فڕێدا و ئاوەکەی ڕشت..!، جەنگیزخان جارێکی دیکە جامەکەی پڕ کردەوە لە ئاو و هەوڵیدا ئاوەکە بخواتەوە، بەڵام کە جامەکە لە دەمی نزیك دەبوویەوە، هەڵۆکە بە باڵەکانی لە جامەکەی دەدا و جامەکە دەکەوتە خوارەوە و ئاوەکەی ناوی دەڕژا!.
بۆ جاری سێیەم ئەو حاڵەتە ڕوویدایەوە، بۆیە جەنگیزخان زۆر تووڕە بوو و شمشێرەکەی دەرهێنا، کاتێك هەڵۆکە نزیکبوویەوە لەوەی جارێکی دیکە ئاوەکە بڕێژێت، جەنگیزخان شمشێرێکی وەشاند و سەری پەلدا و هەڵۆکەی کوشت..!، لێرەدا و لەو کاتەی گورزی شمشێرەکەی بەر سەری هاوڕێکەی کەوت، جەنگیزخان هەستی بە ئازارێکی زۆر کرد، کاتێکیش بینی هەڵۆکە خوێنی لەبەر دەڕوات، دڵی لەت لەت بوو..!، بۆیە ساتێك وەستا و چووە سەر کانیاوەکە، گۆمێکی گەورەی بینی کە لە نێوانی بەردەکانییدا کانیاوەکە هەڵدەقووڵێت..!، کە لەناویدا مارێکی گەورەی مردوو هەیە و گۆمەکەی پڕ کردووە لە ژەهر!.
جەنگیزخان زانی چۆن هاوڕێکەی چاکە و سوودی ئەوی ویستووە..!، بەڵام ئەو کاتە ئەو ڕاستییە بۆ دەرکەوت، کە بە شمشێرەکەی سەری ئەو هاوڕێ ڕاستگۆ و خۆشەویستەی خۆی پەلدا!.
جەنگیزخان هەڵۆ هاوڕێکەی هەڵگرت و خستییە ناو پارچە پەڕۆیەك و گەڕایەوە ناو پاسەوان و دارودەستەکەی، هاوڕێ مردووەکەشی لەناو دەستی بوو..!، فەرمانیشیکرد بە ڕاوێژکارەکانی، وەکو ڕێزلێنانێك لە هاوڕێکەی، هەڵۆیەکی لە زێڕ بۆ دروست بکەن و لەسەر باڵێکی ئەو نووسراوە بنەخشێنن:
” صديقُك يبقى صديقَك ولو فعل ما لا يُعجبك ”
واتە: هاوڕێکەت هەر بە هاوڕێت دەمێنێتەوە، هەر چەند کارەکانی جێگەی ڕەزامەندیت نەبن.
وە لەسەر باڵەکەی دیکەی بنووسن:
” كل فعل سببه الغضبُ، عاقبته الإخفاق “
واتە: هەر کارێك لە تووڕەییەوە بێت، سەرەنجامەکەی شکست و سەرنەکەوتنە.
لە بابەتەکانی بەڕێوبەری ماڵپەر
إرسال تعليق