ڕۆژێكیان، مشكێكیان لەناو یەكێك لە بەرمیلە هەنگوینەكان دۆزییەوە..!، حوكمی شەرعیش لەو حاڵەتەدا ئەوەیە، ئەگەر مشك كەوتە ناو شتێكی شل وەكو ڕۆنی زەیت و هەنگوین و شیر “بۆ نموونە”، مشكەكە فڕێ دەدرێت و شتە شلەكەش فڕێ دەدرێت..!، بەڵام ئەگەر مشك كەوتە ناو شتێكی ڕەق و توند وەكو ڕۆن “بۆ نموونە”، مشكەكە فڕێ دەدرێت و دەوروپشتی ئەو شوێنەی مشكەكەی كەوتۆتە ناو “لە شتە ڕەقەكە” فڕێ دەدرێت و ئەوەكەی دیكە پاكە و دەتواندرێت سوودی لێوەربگیرێت!.
بەڵام كاتێك مشكەكە كەوتە ناو بەرمیلێك لە بەرمیلە هەنگوینەكانی پێشەوا “موحەممەد كوڕی سیرین”، مشكەكەیان دەرهێنا و فڕێیاندا، بەڵام دواتر لە بیریان چوو مشكەكە كەوتۆتە ناو كامە بەرمیلەوە..!، بەڵام بەهۆی ئەوەی پێشەوا “موحەممەد كوڕی سیرین” دیندار و پاك بوو، هەموو بەرمیلە هەنگوینەكانی فڕێدا..!، ئەوەش موسیبەتێكی گەورە بوو..!، چونكە بەهۆیەوە ئیفلاسی كرد و بە دەستبەتاڵی مایەوە..!، ئەوە لەو دەمەدا كە یەكێك بوو لە دەوڵەمەندە زەنگینەكانی دونیا لەو سەردەمدا..!، بەڵام دیندارییەكەی و پاكییەكەی ڕێگەی پێنەدا بە شتێكی گوماناوییەوە بگەڕێتەوە لای خوای گەورە.
دوای ئەو ڕووداوە پێیانوت: ئەوە زیانێكی گەورەیە بۆ تۆ!، ئەو وتی: ئەوە سزای گوناهێكە كە چل ساڵە چاوەڕێی دەكەم!.. پێیانوت: ئەوە چ گوناهێكە..؟!، وتی: پیاوێكم عەیبدار كرد بوو و پێموت بوو: ئەی فەقیر!.
سبحان الله.. پێشەوا “موحەممەد كوڕی سیرین” ماوەی چل ساڵ چاوەڕێی سزای گوناهێكی كردووە..!، ئەی دەبێ حاڵی ئەوانە چۆن بێت، كە بەردەوام و شەو و ڕۆژ لەناو تاوان و گوناهدانە..؟!، ئەی دەبێ حاڵی ئەوانە چۆن بێ، كە شەو و ڕۆژ كاریان عەیبدار كردن و ناشیرینكردنی خەڵكە؟!.
إرسال تعليق