جیاوازی نێوان بەڕیتانیا و ئینگلتەڕا و شانشینی یەکگرتوو

زۆر کەس جیاوازی لە نێوان “بەڕیتانیا و ئینگلتەڕا و شانشینی یەکگرتوو” ناکات، زۆر کەسی دیکەش تێگەیشتنی تەواوی لەسەر نییە، بە دڵنیاییەشەوە جیاوازی نێوانیان زۆر گەورەیە، چونکە هەر یەکێکیان تایبەتمەندی خۆی هەیە و هەر یەکێکیشیان ئاماژە بۆ وڵاتێکی جیاواز دەکات.

ناوی ڕەسمی دەوڵەت بریتییە لە “شانشینی یەکگرتوو لە بەڕیتانیای گەورە و ئیرلەندای باکور” کە لە چوار وڵات پێکدێت: ئینگلتەڕا و سکۆتلەندا و وێڵز و ئیرلەندای باکور.

کەواتە:

 ئینگلتەڕا = تەنها ئینگلتەڕا..

 بەڕیتانیا = ئینگلتەڕا + وێڵز + سکۆتلەندا..

شانشینی یەکگرتوو = ئینگلتەڕا + سکۆتلەندا + وێڵز + ئیرلەندای باکور..

یان دەتوانین بڵێین: بەڕیتانیا + ئیرلەندای باکور = شانشینی یەکگرتوو..

هەر بۆیەش لە کاتی بەڕێوەچوونی پاڵەوانێتییە وەرزشییەکاندا، یان لە کۆڕ و سەکۆ نێودەوڵەتییەکاندا، بە ئاشکرا هەست بەو جیاوازییە دەکەین و هەر وڵاتێك لەو چوار وڵاتە بە جیاواز بەشداری دەکەن و نوێنەرایەتی خۆدی خۆیان دەکەن بە تەنها.