لێكۆڵینه‌وه‌یه‌كی تازه دووپات له‌وه ده‌كاته‌وه، كه پارێزگاریكردن له سه‌ر ئەنجامدانی نوێژەکان، ته‌مه‌نی نوێژخوێنەکان درێژ ده‌كات، ئه‌وه‌ش بۆ توێژه‌ران ڕوون بووه‌وه، كه نوێژكردن چارسه‌ری زۆرینه‌ی شڵه‌ژانه جه‌سته‌یی و ده‌روونییه‌كان ده‌كات، هەروه‌كو چۆن چاره‌سه‌ری قه‌ڵه‌وی ده‌كات و ده‌بێته ڕێگر له به‌رده‌م شێوانی جه‌سته‌یی، زیندووێتیش ده‌گه‌ڕێنێته‌وه بۆ سیسته‌می كاركردنی جه‌سته، هەروەها نوێژكردن یارمه‌تیده‌ره بۆ چاكبوونه‌وه له نه‌خۆشییه‌كان، به تایبه‌ت به‌رزبوونه‌وه‌ی په‌ستانی خوێن و دابه‌زینی ڕێژه‌ی چه‌وری زیانبه‌خش له خوێندا، هه‌روه‌كو نوێژكردن حه‌سانه‌وه و چالاكی و ته‌مه‌ندرێژی به نوێژخوێنەکان ده‌به‌خشێت.
... سبحان الله ... خودای په‌روه‌ردگاری ( 99 ) جار له قورئاندا باسی نوێژی كردووه، واته به ئه‌ندازه‌ی ناوه پیرۆزه‌كانی..!، ئه‌مه‌ش بۆ ئه‌وه‌یه تاوه‌كو بایه‌خ و گرنگی و گه‌وره‌یی نوێژمان پێمان بڵێت، بۆیه‌ش ده‌بینین له ئایه‌تی ژماره (110) له سوره‌تی (الاسرا‌‌ء) باسی ناوه پیرۆزه‌كانی خودا (الاسما‌‌ء الحسنی) له گه‌ڵ باسكردنی نوێژدا هاتووه:
قُلِ ادْعُوا اللَّهَ أَوِ ادْعُوا الرَّحْمَٰنَ ۖ أَيًّا مَا تَدْعُوا فَلَهُ الْأَسْمَاءُ الْحُسْنَىٰ ۚ وَلَا تَجْهَرْ بِصَلَاتِكَ وَلَا تُخَافِتْ بِهَا وَابْتَغِ بَيْنَ ذَٰلِكَ سَبِيلًا
واته: ئەی موحەممەد، پێیان بڵێ: ئێوه له نزا و دوعاتاندا هاوار له ( الله ) بكه‌ن، یان به سیفه‌تی پیرۆزی (الرحمن) هانای بۆ به‌رن، به هه‌ر ناو و سیفه‌تێكی جوان و به‌رز، هاواری لێبكه‌ن و نزا بكه‌ن دروسته، چونكه ئه‌و خاوه‌نی هه‌موو سیفات و ناوه پیرۆز و جوانه‌كانه، به‌هه‌ر سیفه‌تێك كه له‌گه‌ڵ داخوازیه‌كانتاندا گونجاو بێت، داوای لێ بكه‌ن، له‌كاتی داواكردنی رزق و رۆزیدا به (یا رزاق، یا وهاب)، له‌كاتی داوای سه‌ركه‌وتندا به (یا قوی، یا متین، یاعزیز، یا .... هتد)، ئیمانداران، له‌كاتی خوێندنی قورئان له نوێژه‌كاندا ده‌نگ به‌رز مه‌كه‌نەوە و زۆریش نزمی مه‌كه‌نەوە، له‌و نێوانه‌دا حاڵه‌تێكی له‌بار و مامناوه‌ندی ئه‌نجام بده‌ن.
کە وابێ، ئێستا وادەی ئەوەیە، بە بایەخپێدانی پترەوە لە چەمك و دەلالەتی نوێژکردن ڕابمێنین، لە نوێژکردنیشدا چالاکتر و گرجوگۆڵتر بین.
إرسال تعليق