لە گێمی یەکەمدا یانەی بلۆگرانا بە دوو گۆڵی هەردوو ئەستێرەکەی "لیۆنێل میسی" لە خولەکی ١٤ و "نێیمار" لە خولەکی ٣١ پێشکەوت، لە خولەکی ٣٨ـیشدا یانە ئەندەلووسییەکە ئەنجامەکەی بە گۆڵێکی "ئیڤێر بانیگا"ـی ئەرجەنتینی کەمکردەوە.
لە گێمی دووەمدا یاریزانانی یانەی ئیشبیلیە فشارێکی گەورەیان خستە سەر یانەی بارسا و لە زۆربەی کاتدا باشتر و بەهێزتر دەرکەوتن، تا لە خولەکی ٨٤ـدا یاریزان "گامیرۆ" توانی گۆڵی یەکسانکردنەوە بۆ یانەکەی تۆمار بکات و یانەکەی لە دۆڕان ڕزگار بکات و یانەی بەرشەلۆنەش لە دوو خاڵی زێڕین بێبەش بکات.
بەو ئەنجامەش، یانەی ئیشبیلیە گڕی بەردایەوە ململانێی ڕیال مەدرید و بەرشەلۆنە، چونکە جیاوازی نێوانیان بوو بە دوو خاڵ، بەرشەلۆنە ٧٥ خاڵ و ڕیال مەدرید ٧٣ خاڵ، یانەی ئیشبیلیەش کۆی خاڵەکانی بۆ ٦٢ خاڵ بەرز کردەوە لە پلەی پێنجەمی ڕیزبەندی خولی پلە یەکی ئیسپانی "لالیگا".
إرسال تعليق