لە نوێترین زانیارییەکان لەسەر سوودە تەندروستییە زۆر گرنگەکانی خورما، شارەزایانی بواری تەندروستی بە چەند خاڵێک ئاشنامان دەکەن بە بەها و بایەخی خورما بۆ تەندروستیمان.
لە گرنگترین سوودە تەندروستییە زۆر گرنگەکانی خورما:
|| یەکێک لە تایبەتمەندییەکانی خورما ئەوەیە بە ئاسانی هەرس دەکرێت و گەدە ماندوو ناکات.
|| مرۆڤ تێر دەکات و هەستکردن بە برسێتی ناهێڵێت.
|| خورما بە یەکێک لە بەهێزترین هێمنکەرەوەکان دەژمێردرێت.
|| خورما بە گەنجینەیەکی خۆراکی دەژمێردرێت، چونکە پڕۆتینەکان و ڤیتامینەکان و خوێیە کانزاییەکانی وەکو ئاسن و فسفۆڕ و کاربۆهیدراتەکان لەخۆدەگرێت.
|| خورما هیچ جۆرە کۆلیسترۆل و چەورییەکی تێدا نییە.
|| خورما چارەسەری قەبزی دەکات، چونکە ڕیشاڵە سیلیلۆزییەکان لەخۆدەگرێت کە یارمەتیدەرن بۆ باشترکردنی جووڵەی سروشتی ڕیخۆڵەکان.
|| خورما مادەی "سیلینیۆم" لەخۆدەگرێت کە بەرگری لەش بەهێزتر دەکات.
|| خورما مادە دژە ئۆکسیدەکان و ترشییەکان لەخۆدەگرێت.
|| خورما کانزای "مەگنیسیۆم"ـی سوودبەخش بۆ تەندروستی ئێسکەکان لەخۆدەگرێت، هەروەها پۆتاسیۆمی تێدایە کە گرنگە بۆ تەندروستی دڵ و ماسوولکەکان.
سەرەڕای سوودە گرنگەکانی خورما، بەڵام شارەزایانی بواری تەندروستی ئامۆژگاریمان دەکەن زیادەڕۆیی نەکەین لە خواردنی، چونکە دەوڵەمەندە بە گەرمۆکەکان و شەکر، هەروەها نابێت چوکلێت لەگەڵ خورما بخورێت، چونکە گەرمۆکەکان و شەکرەکەی زیاتر دەکات.
إرسال تعليق