یارییەکە کە لەسەر یاریگای "ئۆڵترافۆرد" بەڕێوەچوو، بە سەرەتایەکی باشی شینپۆشەکان دەستیپێکرد، دوای ئەوەی ئەستێرەی ئەرجەنتینی "کۆن ئەگوێرۆ" لە خولەکی ٨ـدا یانەکەی بە گۆڵێک پێشخست، بەڵام دوای ئەو گۆڵە و بە درێژایی ماوەی هەردوو گێمی یارییەکە، یاریزانانی شەیتانە سوورەکان ئاستێکی بەرزیان پێشکەشکرد و یارییەکەیان بە بردنەوەیەکی گەورە کۆتایی پێهێنا.
گۆڵەکانەی مانچستەر یونایتد لەلایەن یاریزانان "ئاشلی یۆنگ" لە خولەکی ١٤ و "مەڕوان فلاینی" لە خولەکی ٢٧ و "خوان ماتا" لە خولەکی ٦٧ و "کریس سلۆمینگ" لە خولەکی ٧٣ـەوە تۆمارکران، هەرچەند "کۆن ئەگوێرۆ" توانی لە خولەکی ٨٩ـدا گۆڵی دووەم بۆ مانچستەری سیتی، بەڵام شەیتانە سوورەکان بە ئەنجامی (٤-٢) گۆڵ براوە بوون و گورزێکی کوشندەیان لە ڕکابەرەکەیان وەشاند.
بەو ئەنجامەش، یانەی مانچستەر یونایتد کۆی خاڵەکانی بۆ ٦٥ خاڵ بەرز کردەوە و چووە خانەی سێیەم لە خشتەی ڕیزبەندی خولی نایابی ئینگلیزی، یانەی مانچستەر سیتیش کۆی خاڵەکانی وەکو خۆی ٦١ خاڵ لە خانەی چوارەم مایەوە.
إرسال تعليق