زانکۆی "Westminster"ـی بەڕیتانی ئەو نهێنییە ئاشکرا دەکات، ئەوەش لە میانی توێژینەوەیەکی نوێی زانستی، کە لە گۆڤاری بەڕیتانی بۆ دەروونناسی بڵاوکراوەتەوە، تێیدا بەدواداچوون بۆ سەدان کچی ڕووپۆش و ئەوانەشی ڕووپۆش نین، سەرەنجام بۆ توێژەران ڕوون بووەوە کە کچانی ڕووپۆش چێژ وەردەگرن لە ئەندازەیەکی گەورە لە ڕێزگرتن لە خۆیان و هەستکردن بە دڵنیایی.
توێژینەوەکە ئەوەشی دەرخستووە، کە سەرقاڵبوونی ژنانی ڕووپۆش بە کێشی جەستە زۆر کەمترە، هەروەکو ژنانی ڕووپۆش کەمتر لە دڵەڕاوکێ و نیگەرانیدان سەبارەت بە دەرکەوتنی ڕوواڵەتیان، خەرجی جلوبەرگیشیان کەمترە.
شایەنی باسە، دیاردەی ڕووپۆشی لە وڵاتانی ئەوروپا و خۆرئاوا لە فراوانبوونێکی بەرچاودایە، ئەوەش بە تەنها بەرجەستەی پابەندبوون بە نیشانە و ئەرکە ئایینییەکان ناکات، بەڵکو دەرخەری ڕەهەندگەلێکی گرنگتریشە، بۆ نموونە پارێزراوتربوونی ژنانی ڕووپۆش لە دەستدرێژیکردنە سەریان.
إرسال تعليق