لە یاری یەکەمدا، یانەی بایرن میونخ میوانداری یانەی پۆرتۆی پورتوگالی کرد، کە لە یاری چووندا بە ئەنجامی (١-٣) گۆڵ دۆڕا بوو، بۆیە باڤارییەکان بە ئەنجامێکی گەورە و بە بردنەوەیەکی شایستە سزای یانە پورتوگالییەکەیاندا و بە (٦-١) گۆڵ یارییەکەیان لە بەرژەوەندی خۆیان یەکلایی کردەوە و بلیتی یەکەم یانەی قۆناغی چوارگۆشەی زێڕین "چامپیۆنزلیگ"ـیان بڕی.
لە یاری دووەمیشدا، یانەی بەرشەلۆنەی ئیسپانی میوانداری یانەی پاریس سانجێرمانی فەڕەنسی کرد، کە لە یاری چووندا بە ئەنجامی (١-٣) گۆڵ براوە بوو، بۆیە کەتەلۆنییەکان ئەوجارەش دەستباڵایی خۆیان دووپات کردەوە و بە ئەنجامی (٢-٠) گۆڵ یارییەکەیان لە بەرژەوەندی خۆیان یەکلایی کردەوە و بلیتی دووەم یانەی قۆناغی چوارگۆشەی زێڕین "چامپیۆنزلیگ"ـیان بڕی.
شایەنی باسە، وا بڕیارە سبەی شەو دوو یارییەکەی دیکەی قۆناغی چارەگی کۆتایی خولی یانە پاڵەوانەکان "چامپیۆنزلیگ" لە نێوان (ڕیال مەدرید & ئەتلەتیکۆ مەدرید) و (مۆناکۆی فەڕەنسی & یۆڤانتۆسی ئیتاڵی) ئەنجام بدرێن و ناسنامەی دوو تیپەکەی دیکەی قۆناغی چوارگۆشەی زێڕین "چامپیۆنزلیگ" دیاری بکرێن.
إرسال تعليق