ئەوڕۆ لە دونیادا هەموو کارێك دەکەین بەبێ ئەوەی لێپرسینەوەمان لەگەڵ بکرێت، بەڵام سبەینێ لە قیامەتدا هەموو لێپرسینەوەیەکمان لەگەڵ دەگرێت بەبێ ئەوەی بتوانین کارێك بکەین.
ئەوە ئەو جیاوازییە گەوهەرییەیە کە لە بەراوردکردنی چەند لایەنێکی دونیا و قیامەتی خەڵکی ئێستادا بەدیار دەکەوێت، بۆیە گرینگترین سوودمەندبوون لێرەدا کە بەدەستبهێنرێت ئەوەیە، کە وردبینانە و هۆشیارانە لەو چەند خاڵەی خوارەوە تێبفکرین و درك بەو جیاوازییە بکەین و بتوانین بیخەینە خزمەتی داهاتووی ڕاستەقینەی خۆمان، هەروەکو قۆستنەوەیەکی سەرکەوتووانە دەبێت ئەگەر ئەو دەرفەتە بکەینە وەرچەرخانێکی گەورە لە پێچەوانەکردنەوەی ئەو جیاوازییە.
جیاوازییە شەش خاڵییەکەش لێرەدا دەخەینەڕوو و یەك بە یەك لە خوارەوە ئاماژەیان بۆ دەکەین:
- سەیرە، چەند هەزار دینارێك زۆرە ئەگەر بیبەن بۆ مزگەوت بیبەخشن، بەڵام هەمان چەند هەزار دینارەکە کەمە ئەگەر بیبەن بۆ بازاڕ شتی پێببکڕن!!.
- سەیرە، کاتژمێرێكیان پێ زۆرە ئەگەر لە تاعەت و عیبادەتی خودا بەسەری ببەن، بەڵام هەمان ئەو کاتژمێرەیان پێ کەمە ئەگەر لە تەماشاکردنی زنجیرە درامایەك، بەرنامەیەکی تەلەفزیۆنی، یارییەکی تۆپی پێدا بەسەری ببەن!!.
- سەیرە، کە ناتوانن بیر لە گوتنی هەر شتێك بکەنەوە لە کاتی دوعا و پاڕانەوەکانیاندا، بەڵام ڕووبەڕووی هیچ زەحمەتییەك نابنەوە لە کاتی بیرکردنەوە لە گوتنی هەر شتێك لەگەڵ دۆست و برادەرەکانیاندا!!.
- سەیرە، ماوەیەکی دوورودرێژە بەلایانەوە ئەگەر دوو کاتژمێر لە مزگەوت بەسەر ببەن، بەڵام هەمان ئەو دوو کاتژمێرە کەمە بەلایانەوە ئەگەر لە تەماشاکردنی فیلمێکی سینەمایی بەسەری ببەن!!.
- سەیرە، خەڵك تامەزرۆیی دەستکەوتنی کورسی ڕیزی پێشەوەیان هەیە لە بۆنە و ئاهەنگەکاندا، بەڵام قەڕەباڵغی دروستدەکەن لە ڕیزی دواوەی مزگەوتدا!!.
- سەیرە، موسڵمانانی ئێستا پێویستیان بە ماوەیەکی دوورودرێژ هەیە و تووشی زەحمەتییەکی زۆر دەبنەوە لە کاتی لەبەرکردنی یەك دوو ئایەتی قوڕئانی پیرۆز، بەڵام لە ماوەیەکی کورت و بە ئاسانی گۆرانییەکان لەبەردەکەن!!.
إرسال تعليق