بردنەوە لەو یارییە مانچستەر یونایتدی دەکردە پاڵەوانی (پرێمەرلیگ)، بۆیە کوڕانی سێر ئەلێکس فێرگسۆن بە گیانێکی خرۆشاو هاتنە ناو یاریگا و ئامانجیان بەدەستهێنانی نازناوی (پرێمەرلیگ) بوو بەر لە وادەی کۆتاییهاتنی پاڵەوانێتییەکە، هەرواش بوو، کاتێك لە ماوەی نیو کاتژمێردا یانەی مانچستەر یونایتد بە قاچەکانی (ڤان پێرسی) سێ جار تۆڕی یانەی یانەی ئەستۆنڤێللای هەژاند و یارییەکەی بە ئەنجامی (3-0) بردەوە.
بەو بردنەوەیە، یانەی مانچستەر یونایتد بۆ بیستەم جار نازناوی پرێمەرلیگی مسۆگەر، بەمەش جارێکی تر لە یانەی لیڤەرپول دوورکەوتەوە کە خاوەنی هەژدە نازناوە.
شایەنی باسە یانەی مانچستەر یونایتد لە وەرزی ئەمساڵدا ئاستێکی گەورەی پێشکەشکرد، بەشێکی گەورەی ئەو دەستکەوتەشی دەگەڕێتەوە بۆ لێهاتوویی یاریزانی هۆڵەندی (ڤان پێرسی)، کە لە سەرەتای ئەو وەرزەدا، بە گرێبەستێکی ژیرانە لە یانەی تۆپچییەکانی لەندەنەوە پەلکێشی ڕیزەکانی کرد.
إرسال تعليق