لەو یارییەدا، کە ورووژانێکی سەرنجڕاکێشی پێوە دیاربوو، هەردوو یانەکە بە پلانی هێڕشبردن ڕووبەڕووی یەکتربوونەوە، ئەمەش وایکرد ڕووبەرەکانی یاریگا بە ڕووی یاریزانانی هەردوولادا کراوەبن، هەربۆیەش یارییەکە خرۆشانێکی گەورەی دروستکردبوو و، هەردوو یانە ئاستێکی بەرزیان پێشکەشکرد.
یانە مەلەگا تا کاتی زیادکراوی یارییەکە بە ئەنجامی (2-1) براوە بوو و بلیتی گەیشتن بە قۆناغی داهاتووی خولی یانە پاڵەوانەکانی ئەوروپای مسۆگەر کردبوو، بەڵام وەکو گوتوویانە (وشەی موستەحیل لە فەرهەنگی ئەڵمانەکاندا نییە)، بەڵێ یاریزانەکانی یانەی برۆسیا دۆرتمۆندی ئەڵمانی ڕاستی ئەو گوتەیەیان لەناو یاریگادا سەلماند، کاتێك لە ماوەی سێ خولەکی زیادکراوی یارییەکەدا دوو گۆڵییان تۆمارکرد و بلیتی گەیشتن بە قۆناغی داهاتووی خولی یانە پاڵەوانەکانی ئەوروپایان لە یانە ئیسپانییەکە سەندەوە و خەونەکەیانی لەناوبرد و بە شایستەیی ئەو قۆناغەیان تێپەڕاند، بەڵێ برۆسیا دۆرتمۆند عەسا سیحرییەکەی دەرهێنا و ئیسپانەکانی پێ خستنە سەر زەوی.
لە یارییەکی تردا کە لە هەمانکاتدا بەڕێوەچوو، یانەی گەڵەتەسەرای تورکی بە ئەنجامی (3-2) لە یانەی ڕیاڵ مەدریدی ئیسپانی بردەوە، بەڵام ئەو بردنەوەیە بەس نەبوو بۆ تێپەڕاندنی ئەو قۆناغە و گەیشتن بە قۆناغی نیوەی کۆتایی، چونکە لە یاری ڕۆیشتندا (3-0) پێی دۆڕابوو.
إرسال تعليق