ڤیدیۆ: دیاردەی سەرسوڕهێنەری “گوڵەکان” کە لە کاتی بانگداندا پەڕەکانیان دەکەنەوە

گرتەیەکی ڤیدیۆیی لەسەر تۆڕی ئینتەرنێتدا بڵاوکراوەتەوە، کە لە لایەن کەناڵی هەواڵنامەیی (CNN) ی ئەمریکییەوە تۆمارکراوە، تێیدا دیمەنی چەند گوڵێك دەردەکەوێت کە  لە کاتی بانگداندا پەڕەکانیان دەکەنەوە، لەگەڵ کۆتایی هاتنی بانگیشدا گوڵەکان وەکو خۆیان لێدێتەوە و پەڕەکانیان دادەخرێنەوە، ئەو حاڵەتەش لە شەو و ڕۆژدا ڕوودەدات.
مێژووی گرتە ڤیدیۆییەکە کۆنە، بەڵام لە ئێستادا بە شێوەیەکی بەهێز لە تۆڕە کۆمەڵایەتییەکان بڵاودەکرێتەوە و بەشێکی زۆری خەڵك ئەو دیاردە سەرسوڕهێنەرە بە نیشانەیەك لە نیشانەکانی قودڕەتی خودای گەورە وەسف دەکەن، لە بەرامبەریشدا هەندێکی تر ئەو دیاردە سەرسوڕهێنەرە بە شتێکی سروشتی دادەنێن.
لە گرتە ڤیدیۆییەکەدا، چاوپێکەوتن لەگەڵ جوتیارێكی ئازەربایجانی ئەنجامدراوە، جوتیارەکە کۆمەڵێك جۆری گوڵ دەخاتەڕوو کە بە (گوڵەکانی بانگ) ناوزەد دەکرێن، بە گوێرەی زانا ڕووەکناسەکان ناوی ڕاستەقینەی ئەو گوڵانە (ئەخدەرییە) یە و لەو گوڵانە دەژمێردرێن کە پێیان دەڵێن (گوڵە قەمەرییەکان) کە لە شەودا دەکرێنەوە، نیشتیمانی ئەسڵیشیان مەکسیکە.
بۆ بینینی گرتە ڤیدیۆییەکە، کلیك لەسەر ئەو ناونیشانەی خوارەوە بکەن:

دیاردەی سەرسوڕهێنەری “گوڵەکان” کە لە کاتی بانگداندا پەڕەکانیان دەکەنەوە