ئۆباما و کتێبی “جیهان دوای کۆتاییهاتنی ئەمریکا”

ڕۆژنامەنووسێکی ئەمریکی بەناوی “مایکل مۆلنر”، کە لە ڕۆژنامەی “نیویۆرك تایمز” کاردەکات، توانی لە ڕێگەی کامێرا دوورمەوداکەیەوە، وێنەی ئەو کتێبە بگرێت، کە بە دەستی “باراك ئۆباما”ـەوە بوو لەو کاتەی کە لە فڕۆکە دادەبەزی.

ئەو وێنەیە بووە جێگەی بایەخپێدانی دەستگاکانی ڕاگەیاندن و مشتومڕ ێکی زۆریشی لەو ناوەندانە دروستکرد، کە بایەخ بەو پرس و بابەتانە دەدەن، ئەمەش دوای تەرکیز خستنەسەر ئەو کتابەی، کە سەرۆکی ئەمریکی “باراك ئۆباما” بە دەستییەوە بوو.

کتێبەکە ناونیشانی “جیهان دوای کۆتاتیهاتنی ئەمریکا”ـی هەڵگرتووە، کتێبەکە ورووژێنەرە و مشتومڕی زۆری ناوەتەوە، چونکە باس لە کۆتاییهاتنی ئیمپراتۆڕییەتی ئەمریکای ماسۆنی و هەڵکشانی دەوڵەتانی تر لە خۆرهەڵاتی ناوەڕاست دەکات!.

نووسەری کتێبەکە پێیوایە، ئەو وڵاتانەی خۆرهەڵاتی ناوەڕاست، کۆنتڕۆڵی جیهان دەکەن و ئەمریکا و بێچووەکەی ئیسرائیل دەڕووخێنن!.

کتێبەکە باس لەو ئاماژانە دەکات، کە نزیکن لەوەی ببنە یەقین، دەربارەی کۆتاتیهاتنی ئەمریکا، کە بەمزووانە ڕوودەدات، چونکە پەیوەستە بە کۆتاییهاتنی ئەو ڕژێمانەی شوێنکەوتەی ئەون، هەروەکو کتێبەکە باس لەوەش دەکات، کە دەوڵەتێکی ئیسلامی لەسەر پاشماوەی پڕۆژەی ئەمریکی ـ زایۆنی سەرهەڵدەدات، وەکو دەریشدەکەوێت “باراك ئۆباما” گرنگی دەدات بە زانینی زانیارییەکان دەربارەی کۆتاییهاتنی ئەمریکا، وەکو ئەو کتێبە وەسفی دەکات.

دانەری کتێبی “جیهان دوای کۆتاتیهاتنی ئەمریکا”، ناوی “فەرید ڕەفیق زەکەریا”ـیە، “فەرید ڕەفیق زەکەریا”ـیش پیاوێکی موسڵمانە و لە وڵاتی هیند لەدایکبووە و وەکو سەرنووسەر لە گۆڤاری “نیوزویك” کاردەکات، واش باسدەکرێت کە کتێبەکە بریتییە لە دیدێکی موسڵمانانە لە هەمبەر جیهان دوای کۆتاتیهاتنی ئەمریکا.