ئەو موعجیزەیە هەموو جیهانی تووشی سەرسوڕمانی کردووە، موعجیزەکە لە وەرزی حەجدا بە تەواوەتی دەردەکەوێت کە گوزارشت لە گەورەیی و قودڕەتی خودای پەروەردگار دەکات و گەواهیدەری ڕاستەقینەی ئەوەیە کە خودای گەورە توانای بەسەر هەموو شتێکدا هەیە و هیچ شتێك نییە بەدەر بێت لە نیشانەیەك لە نیشانە دیارەکانی کارەکانی.
بە گوێرەی ئەوەی لەو ڤیدیۆییەدا دەردەکەوێت، ئەو کەسەی بۆ یەکەمجار تەماشای ئەو دیمەنە دەکات کە لە گرتە ڤیدیۆییەکەدا دەردەکەوێت، هەست دەکات ئیسلام لە لووتکەی پاشاگەردانیدایە و موسڵمان خاوەن هیچ ئینتمایەك نین و هیچ لەبارەی نیزام و سیستەمەوە نازانن، بەڵام واقیعەکە تەنها دوو وشە دەخوازێت و دیمەنەکە لە لووتکەی پاشاگەردانییەوە دەگۆڕێت بۆ لووتکەی ڕێكوپێکی، بەوەی دوو ملیۆن کەس وەکو وەستانی یەك پیاو دەوەستن بۆ پەرستیشی خودای پەروەردگار و بەرجەستەی مانای ڕێکوپێکی دەکەن، تەنانەت ئەو سوپا و لەشکرانەش کە ژمارەیان لە ملیۆنێك تێناپەڕێێت و خاوەن سیستەم و نیزامێکی ڕێکوپێکن ناتوانن ئەمە بکەن.. خودای گەورە وایکردووە ژن و پیاو و گەنج و پیر و منداڵ وێنەیك پێکبهێنن کە جەستەی مرۆڤ لە ئاستییدا دەکەوێتە لەرزین.
(( استووا .. واعتدلوا )) ئەو دوو وشەیە، دیمەنەکە لە لووتکەی پاشاگەردانییەوە دەگۆڕن بۆ لووتکەی ڕێكوپێکی.
یەکێك لە بیانییەکان گرەوی لەسەر ئەوە کردبوو کە ئەو دیمەنە پێویستی بە دوو تا سێ سەعات هەیە بۆ ڕێکخستنی ڕیزەکان، ئیمامی مزگەوتەکە پێیووت: ئەوەت لە بیر نەچێت کە مزگەوتەکە لە چوار نهۆم پێکهاتووە، بیانییەکە گوتی: کەواتە دەبێت ئەو ڕێکخستن و ڕێکوپێکییە زیاتر لە دوازدە کاتژمێر بخایەنێت، ئیمامی مزگەوتەکە وەڵامی دایەوە و پێیگووت: ئەو خەڵکانە زمان و تەمەنیان جیاوازە!!، بیانییەکە گوتی: کەواتە ڕێکخستنی ڕیزەکان و دروستکردنی ڕێکوپێکی شتێکی مەحاڵە!!، ئیمامی مزگەوتەکە پێیگووت: تەماشاکە، لە ماوەی کەمتر لە دوو خولەك، زیاتر لە دوو ملیۆن کەس هاتن و بە ڕێکوپێکی و بە ڕێکخستنی ڕیزەکانیانەوە ڕاوەستان..
بە ڕاستی لە دینی ئێمەدا ئەوپەڕی ڕێکوپێکی هەیە، هەرچەند بوختانچییەکان تۆمەتی ناڕەوایانەمان بۆ دروستدەکەن.
بۆ بینینی گرتە ڤیدیۆییەك لەوبارەیەوە، کلیك لەسەر ئەو ناونیشانەی خوارەوە بکەن:
موعجیزەیەکی سەرسوڕهێنەر ڕۆژانە لە مەککەی پیرۆز ڕوودەدات
إرسال تعليق