بەدرێژایی کاتژمێرەکانی ڕۆژ، هەموو شتێك لەکارکەوت، ژیان وەستا، خەڵکی تووشی نیگەرانی و دڵەڕاوکێ بوون، جەستەی منداڵ و بەساڵاچووان کەوتە لەرزین، ترس دزەی کردە دڵی هەمووان!.
کاتێك شەو هات، مانگ دەرنەکەوت!، هەمووان چوونە پەرستگاکان و دەنگیان بەرز کردەوە و دەپاڕانەوە، ملکەچانە هاواری خودایان دەکرد بۆ ئەوەی خۆر دەربکەوێتەوە، هیچ کەسێك لەو شەوەدا نەخەوت!.
لە کاتژمێر (٥) ی بەیانی ڕۆژی دوایی، خۆر لە وادەی خۆیدا هەڵات!، خەڵك لە خۆشییان هاواریان دەکرد و دەست بەرەو ئاسمان دەپاڕانەوە و شوکرانەی خودای گەورەیان دەکرد و پیرۆزباییان لە یەکتری دەکرد!.
یەکێك لە دانایان پێیوتن: بۆچی بەس ئەوڕۆ سوپاسی خوداتان کرد لەسەر خۆرهەڵاتن؟!، ئایا هەموو بەیانییەك خۆر هەڵنایەت؟!
مەبەست لەو بابەتە ئەوەیە: پێویستە هەمیشە هەست بە نیعمەتەکانی خودای گەورە بکەین، نەوەکو تەنها لە کاتی تەنگانە و بوونی گیروگرفت و تەنگوچەڵەمەدا.
إرسال تعليق