یانەی "لازیۆ" کە پاڵەوانی جامی ئیتاڵیای وەرزی ڕابردوو بوو، لەسەر یاریگای خۆی "ئۆلمپیکۆ" و لە بەردەم هەزاران هاندەریدا، تووشی کەوتنێکی گەورە بوو، کە لە بەردەم پلانەکانی یاریزانانی خانمە پیرەکە خۆی بەدەستەوەدا و، کۆنتڕۆڵی یاریگای بۆ کوڕانی "کۆنتی" جێهێشت، هەرچەند زۆر هەوڵیدا بەرگری بکات و بەرەنگاری تەماعگیرییان بۆ بەدەستهێنانی نازناوەکە ببێتەوە، بەڵام سووربوونی یانەی "یۆڤانتۆس" بۆ تۆڵەکردنەوە لە شکستەکەیان لە بەرامبەر یانەی "لازیۆ" و کرانە دەرەوەیان لە جامی ئیتاڵیای وەرزی ڕابردوو، وایکرد یانەکەی ڕۆمای پایتەخت دۆڕانەکە قەبول بکات و تەسلیمی ئەمری واقیع ببێت.
بەو ئەنجامەش یانەی خانمە پیرەکەی ئیتاڵیا "یۆڤانتۆس" بۆ جاری شەشەم لە مێژوویدا، نازناوی سوپەری ئیتاڵی مسۆگەر کرد و ژمارەکەی یانەی میلانی یەکسانکردەوە لە ژمارەی بەدەستهێنانی ئەو نازناوەدا.
إرسال تعليق