پێشکەوتووترین وڵاتانی جیهان لە ڕووی پێشکەوتنی تەکنەلۆژیا و داهێنانەوە، لە نموونەی یابان و ئەمریکا، هێماکانی هاتوچۆیان تێدا بەکاردەهێنرێت، هەرچەندە ئەو وڵاتانە لەڕێگەی دروستکردنی بەرزە پرد و تونێل و میترۆکانەوە، لە هەوڵی کەمکردنەوەی هێماکانی هاتوچۆدان، لەگەڵ لەبەرچاوگرتنی ئەوەش، کە لە هەندێك ناوچەی یابان هێماکانی هاتوچۆ نابینرێن، بەڵام ئەوە هەموو وڵات ناگرێتەوە، بەڵکو چەند ناوچەیەکی دیاریکراوە.
بەڵام ئەوەی جێگەی سەرسوڕمانە، بوونی وڵاتێکە، کە هێماکانی هاتوچۆیان تێدا بەکارناهێنرێت، کە بە گوێرەی زانیارییەکان، شانشینی "بۆتان"، کە دەکەوێتە باشووری کیشوەری ئاسیا، تاکە وڵاتی جیهانە، کە هێماکانی هاتوچۆی تێدا نییە!، بەڵام هەوڵەکان و لێکۆڵینەوەکان بەردەاومن بۆ بەکارهێنانی هێماکانی هاتوچۆیان لەوێش.
إرسال تعليق