بەو بردنەوەیە هەڵبژاردەی پورتوگال کۆی خاڵەکانی لە پێنج یاریدا گەیاندە 12 خاڵ، کە بە جیاوازی 5 خاڵ لە پێش هەڵبژاردەی دانیمارکی خاوەن پلەی دووەمەوە دێت، هەڵبژاردەی ئەلبانیاش لە پلەی سێیەمی ڕیزبەندییەکەوە دێت.
لەو یارییەدا ئەستێرەی یانەی ڕیال مەدرید (کریستیانۆ ڕۆنالدۆ) توانی هاتریک لە خولەکەکانی 30 و 55 و 58 تۆمار بکات، بەو هاتریکەش (کریستیانۆ ڕۆنالدۆ) چەند ژمارەیەکی پێوانەیی شکاند.
(کریستیانۆ ڕۆنالدۆ) بووە یەکەم یاریزان لە مێژووی تۆپی پێی پورتوگال بتوانێت لە پاڵاوتنەکانی جامی نەتەوەکانی ئەوروپا و هەروەها لە جامی جیهانیش تۆمار بکات.
هەروەکو (کریستیانۆ ڕۆنالدۆ) کۆی گۆڵەکانی لە پاڵاوتنەکانی جامی نەتەوەکانی ئەوروپا گەیاندە 35 گۆڵ و پێش (ئەندریە شیفشینکۆ) کەوت کە خاوەنی 33 گۆڵ بوو.
إرسال تعليق