بە گوێرەی ڕیوایەتەکان، خوای گەورە لە ناوەڕۆکی وەحییەکەی بۆ پێغەمبەر ئادەم (سڵاوی خوای لێبێ) فەرموویەتی: (ئەی ئادەم، واتای هەموو قسەیەکت لە چوار وشەدا بۆ کۆدەکەمەوە).
ئادەم پێغەمبەریش دەڵێت: ئەی خودایە ئەو چوار وشانە کامانەن؟!.. خوای تەعالا پێی دەفەرمووێت: یەکێکیان بۆ منە، یەکێکیان بۆ تۆیە، یەکێکیان لە نێوانی من و تۆدایە، یەکێکیان لە نێوانی تۆ و خەڵکدایە.
ئادەم پێغەمبەریش دەڵێت: ئەی خودایە بۆ منیان ڕوون بکەوە تا کاریان پێبکەم.. خوای تەعالاش پێی دەفەرمووێت:
| ئەوەی بۆ منە ئەوەیە کە من دەپەرستی و هیچ شتێک ناکەی بە هاوبەش بۆ من (مەبەستی شیرکە).
| ئەوەشی بۆ تۆیە ئەوەیە کە پاداشتی کردەوەکانت دەدەمەوە لە دەمێکدا زۆر پێویستیت پێی هەیە.
| ئەوەی لە نێوانی من و تۆدایە ئەوەیە کە لەسەر تۆ دوعاکردن و پاڕانەوەیە، لەسەر منیش وەڵامدانەوەیە.
| ئەوەی لە نێوانی تۆ و خەڵکدایە ئەوەیە کە ئەو شتەی بۆ خۆت پێخۆشە و پێی ڕازی، بۆ خەڵکیش پێت خۆش بێ و پێی ڕازی بی.
إرسال تعليق