یارییەکە له‌سەر یاریگای ئۆڵۆمپی له شاری به‌رلینی پایتەختی ئه‌ڵمانیا بەڕێوەچوو، تێیدا یانە کەتەلۆنییەکە سەرکەوتنی بەسەر یانەی خانمە پیرەکەی شاری تۆرینۆ بەدەستهێنا و توانی ژمارەی نازناوەکانی لەو خولەدا لەگەڵ یانەکانی بایرن میونخی ئەڵمانی و لیڤەرپوولی ئینگلیزی یەکسان بکاتەوە کە پێنج نازناوە.
له گێمی یه‌كه‌می یارییه‌كه‌دا، یانەی به‌رشه‌لۆنه ده‌ستپێشخه‌ریكرد و له‌خوله‌كی 4ـدا له‌لایه‌ن یاریزانی کڕواتی "ئیڤان راكیتیچ"ـه‌وه گۆڵێكی تۆمار كرد و به‌و ئەنجامەش كۆتایی به‌و گێمە هات، له‌گێمی دووه‌میشدا یانەی یۆڤانتۆس له‌خوله‌كی 55ـدا له‌رێگه‌ی ئەستێرەی ئیسپانی "ئه‌لڤارۆ مۆراتا"ـەوه گۆڵی به‌رامبه‌ری تۆماركرد، به‌ڵام دواتر به‌رشه‌لۆنه دوو گۆڵی دیکەی له‌خوله‌كه‌كانی 68 و 90ـدا له‌ڕێگه‌ی "لویس سوارێز" و "نیمار داسیلڤا"ـوه تۆماركرد و یارییه‌كه‌یان بەو ئەنجامە برده‌وه.
لە ژێر ڕۆشنایی ئەو ئه‌نجامه‌ش، یانەی به‌رشه‌لۆنه بۆ جاری پێنجه‌م له‌مێژوویدا نازناوی خولی یانه پاڵه‌وانه‌كانی ئه‌وروپای به‌ده‌ست هێنا و سه‌ركه‌وتنیشی بۆ جامی سوپه‌ری ئه‌وروپا و جامی جیهانی یانه‌كان مسۆگه‌ر كرد.
إرسال تعليق