ئینجا پەیڕەونەکردنی سیستەمێکی خۆراکی هاوسەنگ، و نەخواردنەوەی بڕێکی زۆری ئاو لە هەر ڕۆژێکدا، لەوانەیە ببنە هۆی کەڵەکەبوونی ماددە ژەهراوییەکان، ئەوەش کاریگەری لەسەر کاری گورچیلەکان، و بە تایبەت دروستبوونی بەردی گورچیلە دروستدەکات.
بۆیە پێگەی ئەلیکتڕۆنی (WEBMD) ئاشنامان دەکات بە گرنگترین پێنج شەربەت، کە ڕێگرن لە بەردەم دروستبوونی بەردی گورچیلە:
یەکەم: شەربەتی تووتڕک ـ ئەو شەربەتە یارمەتیدەرە بۆ بنەبڕکردنی هەوکردنی میزەڕۆ، هەروەکو بەسوودە بۆ پاککردنەوەی گورچیلەکان لە ماددە ژەهراوییەکان.
دووەم: شەربەتی چەوەندەر ـ ئەو شەربەتە ماددە دژەئۆکسیدەکان لەخۆدەگرێت کە کارکردنی گورچیلەکان بەهێزتر دەکات، ئەگەری دروستبوونی بەردی گورچیلەش کەمدەکاتەوە.
سێیەم: شەربەتی لیمۆ ـ خواردنەوەی ئەو شەربەتە بە شێوەیەکی ڕۆژانە، پلەی ترشی و توخمەکانی ستریت و پۆتاسیۆم لە کاتی میزکردندا زیاد دەکات، دواتریش یارمەتیدەر دەبێت بۆ ڕزگاربوون لە بەردی گورچیلە.
چوارەم: شەربەتی کۆکتێل ـ سەوزەمەنییەکان پێکدێن لە کەرەوز و خەیار و خاس و گێزەر و سپێناخ و تاد..، مێوەجاتەکانیش پێکدێن لە سێو و پرتەقاڵ و خۆخ و ئەناناس و گێلاس و ترێ و تاد..، هەموو ئەوانەش ماددە دژەئۆکسیدەکان لەخۆدەگرن کە یارمەتیدەرن بۆ نەهێشتنی بەردی گورچیلە، و ڕێگەدەگرن لە بەردەم دروستبوونی بەردی گورچیلە.
پێنجەم: شەربەتی قامیش ـ خواردنەوەی بڕێکی زۆر لەو شەربەتە بە شێوەیەکی ڕۆژانە، یارمەتیدەر دەبێت بۆ ڕێگەگرتن لە نیشتنی خوێیەکان لە میزەڕۆ، و دواتریش ڕێگە دەگرێت لە دروستبوونی بەردی گورچیلە.
إرسال تعليق