بۆیە پێویستە ئێمەی شوێنکەوتووی ڕێبازە پیرۆزەکەی، گەشبین بین و لە ڕەشبینی دوور بکەوینەوە، بەوەی لەسەر هەمان ڕێچکەی ئەو سەروەرە لە ژیانماندا گەشبینانە هەنگاو بەرەو بەدەستهێنانی خێر و خۆشی بۆ دین و دونیامان بدەین.
پێغەمبەری نازدارمان (دخ) دەیفەرموو، ئەگەر ڕەشبینییەك هەبێت و ببێتە مایەی نیگەرانی بۆ مرۆڤ (کە باشتر وایە چارەسەری بۆ بدۆزرێتەوە)، لە سێ شتدایە: “خانوو، ئافرەت، وڵاخ (لە ئێستادا ئۆتۆمبێل)”.
پێغەمبەری خۆشەویستمان (دخ) حەزی لە خانووی فراوان بووە، حەزی لە کۆختە نەبوو، هەروەکو بەلایەوە پەسند نەبوو مرۆڤ نیشتەجێی شوێنێکی تەنگ و بچووك بێت، هەر بۆیەش بە “ڕەشبینی” وەسفیکردووە، چونکە کاریگەری خراپ لەسەر لایەنی دەروونی مرۆڤ و ئەرکە کۆمەڵایەتییەکانی دروستدەکات.
هەر بە پێی فەرموودەکانی پێغەمبەری خۆشەویست (دخ)، ڕەشبینی پیاو لە بەرامبەر ژن (خێزانەکەی)، لە ئەنجامی گوێڕایەڵ نەبوون بە پیاوەکەی پەیدا دەبێت، چونکە ئافرەتی چاك ئەوەیە، کاتێك تەماشات کرد دڵخۆشت بکات، ئەگەریش لێی دوور کەوتیتەوە کەسایەتی و ناوبانگت بپارێزێت.
سەبارەت بە واتای ڕەشبینی لە وڵاخ (لە ئێستادا ئۆتۆمبێل) کە لە فەرموودەکەی پێغەمبەری خۆشەویستدا (دخ) هاتووە، ئەوەیە کاتێك بەکاریبێنی بۆ ڕاییکردنی کارەکانت، لەکار بکەوێت و ئیش نەکات.
إرسال تعليق