تیروپشکی ئەوجارەی قۆناغی شانزەی چامپیۆنسلیگ (2014/2015)، چەندين ڕووبەڕوونەوەی ئاگرین و بەهێزی نێوان گەورە یانەکانی ئەوروپای لێکەوتەوە، لە هەرە گرنگترینیان ڕووبەڕووبوونەوەی هەردوو یانەی مانچستەر سیتی ئینگلیزی و یانەی بەرشەلۆنەی ئیسپانییە، کە بە بۆچوونی چاودێران ئەرکی بلۆگرانا لە تێپەڕاندنی بەربەستی ستیزن زۆر ئەستەمە لەو قۆناغەدا.
لەوبارەیەوە، ڕۆژنامەی “مۆندۆ دیبۆرتیڤۆ”ـی وەرزشی کەتەلۆنی بڵاویکردووەتەوە، یانە کەتەلۆنییەکە کاتی کەمتری لە بەردەمدایە بە بەراورد بە یانەی شاهانە بۆ خۆئامادەکردن بۆ یاری کلاسیکۆی داهاتوو.
هەروەها بەرشەلۆنە لە بەردەم پەستانێکی قوڕسدایە بۆ خۆئامادەکردن بۆ یارییەکەی مانچستەر سیتی، ئەگەر بەراورد بکرێت بە یانەی ڕیال مەدرید، کە ڕووبەڕووی یانەی شاڵکەی ئەڵمانی دەبێتەوە، لە کاتێکدا مەترسی یانە ئەڵمانییەکە بۆ سەر یانەی مێرەنگێ کەمترە.
هەروەکو یارییەکەی یانەی بەرشەلۆنە لە بەرامبەر یانەی مانچستەر سیتی، دوای هەفتەیەك دێت لە یارییەکەی یانەی ڕیال مەدرید لە بەرامبەر یانەی شاڵکە، چونکە یارییەکەی بەرشەلۆنە و مان سیتی لە ڕۆژی 18/3/2015 دەبێت لەسەر یاریگای “کامپنۆ”، لە کاتێکدا یارییەکەی یانەی ڕیال مەدرید لە ڕۆژی 10/3/2015 دەبێت لەسەر یاریگای “سانتیاگۆ بێرنابیۆ”، بەو پێیەش بێت کاتێکی زیاتر لە بەردەم یانەی ڕیال مەدرید دەبێت بۆ خۆئامادەکردن بۆ یاری کلاسیکۆی داهاتوو، کە دوای 3 ڕۆژ لە لووتکەی یانەی مانچستەر سیتی ئینگلیزی و یانەی بەرشەلۆنەی ئیسپانی لە ڕۆژی 21/3/2015 دەبێت.
إرسال تعليق