پێگەی “یوتیوب” لە نوێترین خزمەتگوزارییەکانی، کە بۆ بەکارهێنەرانی ئینتەرنێت پێشکەشی دەکات، ڕێگایەکی تازە و ئاسانی بۆ داناون، تا بتوانن بەبێ بوونی پڕۆگرامی تایبەت، پارچەڤیدیۆیەکان داببەزێنە سەر کۆمپیۆتەرەکانیان، بۆ لەمەودواش بەکارهێنەر تەنها پێویستی بە نووسینی دوو پیت دەبێت (vi) لە پێش وشەی (youtube) لە شریتی تایتڵی تایبەت بە پارچە ڤیدیۆیەکە، پاشان دوگمەی (Enter) لەسەر تەختەکلیلی کۆمپیۆتەرەکەی دادەگرێت، ئینجا ڕاستەوخۆ کرداری دابەزینی پارچە ڤیدیۆیەکە بۆ ناو کۆمپیۆتەرەکە دەستپێدەکات.
هەروەکو دەتوانی بچیتە سەر پێگەی “یوتیوب” و لینکی پارچە ڤیدیۆیەکە دابنێی و ئەو هەنگاوانەی سەرەوە جێبەجێ بکەی، یان دەتوانی ڕاستەوخۆ لە شریتی گەڕان لە پێگەی “یوتیوب” بەدوای ڤیدیۆی مەبەست بگەڕێی و دایببەزێنی، هەروەکو ئەوە لە هەموو پێگە ئەلیکتڕۆنییەکاندا هەیە کە ئەو خزمەتگوزارییە پێشکەش دەکەن.
شایەنی باسە بەناوبانگترین و چاکترین و خێراترین پڕۆگرامی دابەزاندنی ڤیدیۆ، بەرنامەی (internet download manager)ـە، بەڵام دەستکەوتن و بەکارهێنانی بە بەلاش نییە و دەبێت بەکارهێنەر بە پارە بیکڕێت، لە ئێستاشدا بەدەستهێنانی ئەو بەرنامەیە بە ڕێگەی دیکە دووچاری کێشەی زۆرت دەکاتەوە و ناتوانی بەبێ کڕین بە ئاسانی بەکاریبهێنی.
إرسال تعليق