یانەی سوانزی سیتی لە خولەکی 11ـی یارییەکە بە گۆڵێك پێشکەوتن، کاتێك “جۆن تێری” بەرگریکاری یانەی چێلسی بە هەڵە گۆڵی لە تیپەکەی تۆمار کرد، بەڵام یانەی خاوەن یاریگا بە یارییەکە ڕاگەیشتەوە و بە هاتریکی هێڕشبەرە ئاستبەرزەکەی “دییگۆ کۆستا” توانی سێ گۆڵی یەك لە دوای یەك لە خولەکەکانی 45 و 56 و 67 تۆمار بکات، لە خولەکی 81ـی یارییەکەشدا تازە یاریزانی شینپۆشەکانی لەندەن “لویك ڕیمی” گۆڵی چوارەمیان تۆمار کرد، دواتر یانەی مێوان لە خولەکی 81ـدا ئەنجامەکەیان بۆ دوو گۆڵ کەمکردەوە و یارییەکەش بەو ئەنجامە کۆتاییهات.
بەو سەرکەوتنە گرنگەش، یانەی چێلسی توانی کۆی خاڵەکانی لە چوار یاریدا بگەیەنێتە 12 خاڵ و پێگەی خۆی لە پێشەنگی خولی ئینگلیزی “پرێمەرلیگ” قایمتر بکات، هەروەها تا دێت هێڕشبەرە ئاستبەرزەکەیان “دییگۆ کۆستا” لە خۆگونجاندن لەگەڵ کەشوهەوای خولی ئینگلیزی سەرکەوتووتر دەبێت و ئێستاش بە تۆمار کردنی 7 گۆڵ لە 4 یاریدا، لە پێشەنگی گۆڵکارانی “پرێمەرلیگ” دێت.
إرسال تعليق