یارییەکە لەسەر یاریگای “وۆکەر ستادیۆم”ـی تایبەت بە یانەی لیستەر سیتی بەڕێوەچوو، سوورپۆشەکانی شاری مانچستەر دەستپێشخەریان کرد و لە خولەکەکانی 13 و 16 دوو گۆڵیان تۆمار کرد، بەڵام دوای یەك خولەك و لە خولەکی 17ـدا، یانەی خاوەن یاریگا بە گۆڵێك ئەنجامەکەی کەمکردەوە، گێمی یەکەمیش بەو ئەنجامە کۆتاییهات.
لە گێمی دووەمدا جارێکی دیکە و لە خولەکی 57ـدا، شەیتانە سوورەکان گۆڵێکی دیکەیان تۆمارکرد و جیاوازییەکەیان کردەوە بە دوو گۆڵ، بەڵام لێرە بە دواوە، یانەی لیستەر سیتی وەکو بوڕکان بە ڕووی یاریزانانی یانەی مانچستەر یونایتد تەقینەوە و چوار گۆڵی یەك لە دوای یەکیان تۆمارکرد لە خولەکەکانی 62 و 64 و 79 و 83، یارییەکەش بە ئەنجامی 5-3 گۆڵ بە بردنەوەی یانەی لیستەر سیتیکۆتاییهات.
ئەو شکستە گەورەیە بە زۆر لەسەر شەیتانە سوورەکان دەکەوێت، بە تایبەت کە لەسەر دەستی یانەی لیستەر سیتی بوو، چونکە ئەوە یەکەم وەرزیەتی لە خولی نایابی تۆپی پێی ئینگلیزی “پرێمەرلیگ” یاری دەکات، دوای ئەوەی وەرزی ڕابردوو سەرکەوت بۆ ئەو خولە.
إرسال تعليق