نوێنەرانی یانەی شاهانە خەڵاتەکەیان وەرگرت، کە ئەمساڵ خەڵاتەکە بووە پێنجەم نوسخە، پاش ئەوەی یانەی قەڵای سپی لە وەرزی ڕابردووی 2013/2014 خولی یانە پاڵەوانەکان “چامپیۆنزلیگ” و جامی شای ئیسپانیای بەدەستهێنا، بێجگە لەوەش تا دوا ساتەکان لەسەر بەدەستهێنانی نازناوی خولی ئیسپانیش دەجەنگا.
دوور لە لایەنی تۆپی پێ، یانەی پایتەختی ئیسپانیا “ڕیال مەدرید” لە هەمان ئاهەنگدا، خەڵاتی باشترین کار و پرۆژەی کۆمەڵایەتیشی وەرگرت، ئەوەش لە بەرامبەر ئەو خزمەتگوزاریانەی یانەکە پێشکەش بە منداڵانی دەکات، کە بەشداریکردووە لە بڵاوکردنەوەی بەها بەرزەکان و یارمەتیدانی منداڵان، ئەوانەی تووشی پەراوێزخستن و دوورخستنەوە لە جیهانی کۆمەڵایەتی بوونەوەتەوە، ئەوەش بەهۆی هەژاری و ئەو هەلومەرجە سەختانەی ڕووبەڕوویان دەبێتەوە.
إرسال تعليق