هەردوو هەڵبژاردە بە بەهێزترین هەڵبژاردەی کۆمەڵەی E دەژمێردران، کە پاڵێوراو بوون بۆ بەدەستهێنانی پێشەنگی گروپەکە، بۆیە یارییەکەش لە ئاست بەهێزی هەردوو تیپەکە بوو، یاریزانانی هەردوو هەڵبژاردەکە ئاستێکی بەرزیان پێشکەشکرد، بە تایبەت ئینگلیزەکان، کە توانیان بە سەرکەوتنێکی گەورە و گرنگ بگەڕێنەوە لەندەنی پایتەخت.
یارییەکە بە سەرکەوتنی هەڵبژاردەی ئینگلتەڕا بە ئەنجامی (2-0) کۆتاییهات و سێ خاڵی گرنگیان لە دەستپێکی پاڵاوتنەکانی جامی نەتەوەکانی ئەوروپا بەدەستهێنا، هەڵبژاردەی سویسراش بە سەرەتایەکی خراپ جەماوەر و هەوادارانی بێهیوا کرد.
هەردوو گۆڵەکەی هەڵبژاردەی ئینگلتەڕا لەلایەن یاریزانی لاوی یانەی ئەڕسناڵ “دانی وێلباك”، لە خولەکەکانی (58 و 90)ـەوە تۆمارکران.
إرسال تعليق