بە گوێرەی گۆڤاری “فۆڕبس”، پەیمانگاکە لە دەستنیشانکردنی وڵاتان بۆ ڕیزبەندییەکە، پشتیبەستووە بە چاوپێکەوتنی 57000 هەزار کەس لەناو وڵاتانی گروپی هەشت و وڵاتانی دەرەوەی گروپەکە، کە ڕاوبۆچوونیان لەسەر ئەو بابەتە وەرگیراوە و وەڵامەکانیان کراوەتە بنچینە بۆ دیاریکردنی وڵاتانی جیهان بۆ ڕیزبەندی لیستەکە.
پەیمانگاکە لە چاوپێکەوتنەکانی لەگەڵ هاوڵاتیان، ئەو سێ پرسیارەی ئاراستە کردوون: چ هەستێکت هەیە بۆ وڵاتەکەت؟، تا چ ڕادەیەك ڕێز لە وڵاتەکەت دەگریت؟، ئایا پێتوایە وڵاتەکەت خاوەنی ناوبانگێکی باشە؟.
هەروەکو پەیمانگاکە چەندین پرسیاری دیکەی ئاراستە کردوون لەسەر تایبەتمەندییە جیاوازەکانی هەر وڵاتێك لە: جوانی سروشتی وڵات، ئەو ئەزموونە تایبەتانەی بۆ خۆشگوزەرانی پێشکەشی دەکات، وەرزش، خواردن، بەرهەمەکان و خزمەتگوزارییە کوالێت بەرزەکان.
هەر لە ئامادەکردنی لیستی ئەمساڵدا، پەیمانگای “ڕیبۆتیشن ئەنستیتیۆت” بۆ یەکەمجار پرسیاری لەسەر باشترین دەوڵەت لە ڕووی شەفافیەت و یەکەم وڵات کە کەمترین ڕێژەی گەندەڵی تێدا بێت ڕووبەڕووی هاوڵاتیان کردەوە، هەروەکو پرسیاری ئەوەشی لێکردوون: ئایا ئارەزووی کڕینی بەرهەمی وڵاتان دەکەن؟!، ئایا وەبەرهێنانیان تێدا ئەنجام دەدەن؟.
ناوی 10 وڵاتی پێشەوەی ڕیزبەندییەکەش بەمشێوەیەیە: سویسڕا، کەنەدا، سوید، فینلەندا، ئوستوڕالیا، نەڕویج، دانیمارك، نیوزیلەندا، هۆڵەندا، ئەڵمانیا.
إرسال تعليق