لە چوارچێوەی چالاکییەکانی پیشانگای
"Geneva International Moto"، کۆمپانیای ئەپڵ بە شێوەیەکی ڕەسمی ڕایگەیاند، سیستەمێکی تایبەتی بۆ ئۆتۆمبێل داناوە و ئێستا دەتواندرێت سوودی لێوەربگیرێت، سیستەمەکە ناوی
"CarPlay" ە و چەندین تایبەتمەندی
"ios" هەڵدەگرێت.
سیستەمەکە ڕێگە بە شۆفێر دەدات لە ڕێگەی شاشەی سەرەکی ئۆتۆمبێلەوە کۆنتڕۆڵی تایبەتمەندییەکان بکات، هەروەکو دەتوانێت تایبەتمەندییەکانی ئەپڵ وەکو
"messages" و
"Apple Maps" بەکاربهێنێت و، بەهۆی فەرمانە دەنگییەکان یان دوگمەکانی ناو ئۆتۆمبێلەوە توانای کۆنتڕۆڵکردنی مۆزیك و شتی دیکەشی بۆ بەردەست دەکات.
شایەنی باسە، کۆمپانیای ئەپڵ لە پاڵ هەماهەنگی لەگەڵ چەندین کۆمپانیای وەکو فیراری و مارسیدس و ڤۆلڤۆ، لە داهاتووش هەڵدەستێت بە هەماهەنگیکردن لەگەڵ کۆمپانیاکانی تایبەت بە ئۆتۆمبێل وەکو بی ئێم دەبلیۆ و فۆرد و لاند ڕۆڤەر و بیجۆ و هایوندی و سۆزۆکی و هۆندا و تویۆتا، کە هەموویان سیستەمی
"CarPlay" یان بۆ دادەنرێت.
إرسال تعليق