یانەی سەندەرلاند لە گێمی یەکەمدا لە ڕووی ئاست و ئەنجامەوە لە پێشەوە بوو، کاتێك یاریزانی یانەکە "بۆرینی" لە خولەکی (10) و لە قۆستنەوەی هەڵەیەکی کوشندەی بەرگریکانی مانسیتی یەکەم گۆڵی تۆمارکرد و ئاستەنگی گرانی ڕووبەڕووی پلگرینی ڕاهێنەری شینپۆشەکانی مانچستەر کردەوە.
بەڵام لە گێمی دووەمدا ئاست و ئەنجامی یانەی سەندەرلاند درێژەی نەکێشا، چونکە لە خولەکی (55) و لە لێدانێکی جوانی "یایا تۆرێ" ەوە مانسیتی گۆڵی بەرامبەری تۆمارکرد، دوای یەك خولەك "سەمیر نەسڕی" لە لێدانێکی بەهێز گۆڵی دووەمی تۆمارکرد، لە کاتی زیادکراویشدا "خیسۆس ناڤاس" گۆڵی سێیەم و دڵنیایی تۆمارکرد و یانەی شینپۆشەکانی مانچستەر یەکەم نازناوی ئەو وەرزەی خستە سەر گەنجینەکانییەوە.
إرسال تعليق