لە ئێستادا زۆربەی کۆمپانیاکانی دابینکردنی خزمەتگوزاری ئینتەرنێت لە جیهان، پشت بەو سیستەمە “WiFi” دەبەستن، کە پێشتر لەبری ئەوە پشتیان بە تێل و کێبڵ دەبەست بۆ گەیاندنی خزمەتگوزارییەکە بە بەکارهێنەران.
ئەوەی وایکردووە ئەو سیستەمە سەرکەوتووتر بێت لەوەی پێشبینی لێدەکرا، ئەو توانا بەهێزەیە کە دەتوانێت بەهۆیەوە بەربەست و دیوارەکان ببڕێت و خێراییەکی بەرزی هەبێت لە گواستنەوە و وەرگرتنی داتا و زانیارییەکان کە دەگاتە ئەندازەی “Mb ps 54”، چەند پێوەرێکی دیکەش هەن کە پەیمانگای ئەندازیارانی ئەلیکتڕۆنی و کارەبایی دیاریکردووە “IEEE” ە، بەناوبانگترینیان “802.11a”، لە پێش ئەوەشدا بڕیار لە “802.11b” درابوو، نوێترین پێوەرەکانیش لە سەردەمی ئێستادا “802.11n” یە، زۆربەی ئەو پێوەرانەش گونجاون لەگەڵ یەکتری، بەڵام ئاستی مەودا و خێراییەکەیان جیاوازە.
پێشبینیش دەکرێت تەکنەلۆژیای وای فای “WiFi” پێشکەوتنی گەورەتر بەخۆیەوە ببینێت، وەکو چۆن هەر تەکنەلۆژیایەکی دیکە گۆڕانکاری بەسەردا دێت.
إرسال تعليق