یەکێك لەو خاڵە گرنگانەی دەبێت ڕۆژووەوانان هەڵوێستەی لەسەر بکەن و پزیشکە پسپۆڕەکانیش ئامۆژگاریمان دەکەن، وازهێنانە لە مومارەسەکردنی وەرزش لە ماوەی ئەو مانگە پیرۆزەدا، چونکە وەرزشکردن لەگەڵ بەردەوامبوون لە بەڕۆژووبوون مەترسی دیاریکراوی خۆی هەیە، بەوەی لە کاتی بەڕۆژووبووندا وزە و شلە جەستییەکان کەم دەبنەوە، ئەوەش سەردەکێشێت بۆ دروستبوونی وشکی، چونکە جەستەی ڕۆژووەوان دەچێتە ژێر پەستانێکی توند، کە بەهۆیەوە ئەو خانانەی لەش، کە لە میانی وەرزشکردندا بنیات دەنرێن، تووشی هەرەسهێنان و لەناوچوون دەبن.
بۆیە کە لە ماوەی چەند ڕۆژی داهاتوو پێشوازی لەو مانگە پیرۆزە دەکەین و بەڕۆژووبوونیش خۆی لە خۆیدا وەرزشێکی زۆر گرنگە، پێویستە ئەو ئامۆژگارییە تەندروستییە لە بەرچاو بگرین، بە تایبەت وەرزشوانان، کە دەبێت زۆر وریا بن و نابێت تەندروستی جەستەییان بخەنە بەردەم مەترسییەوە، بە تایبەت وەرزشکردن لە پێش ڕۆژووشکاندن زۆر مەترسیدارە، بەڵام دوای ڕۆژووشکاندن دەتوانن مومارەسەی ئاسایی وەرزشی خۆیان بکەن.
إرسال تعليق