ناوبراو لە تویتێکدا لەسەر هەژماری تایبەتی خۆی لەسەر تۆڕی کۆمەڵایەتی تویتەر نووسیوویەتی: “بەفر بە گرنگترین سەرچاوەکانی دروستبوونی ڕووبار و ڕووەکەکان دادەنرێت، بەفربارینیش لە دوورگەی عەڕەبی لە بەڵگەکانی پێغەمبەر (دخ) دەژمێردرێت، چونکە پێغەمبەرمان (دخ) باسی ئەوەیکردووە، کە قیامەت لەو کاتەدا دێت، کە خاکی عەڕەب ببێتەوە بە مێرگ و ڕووبار.
“شیخ سعود الشریم” ئاماژەی بەوەش کردووە، هەر کەسێك بەفربارینی لەسەر شاری “تەببوك” لە سعودیە بینیبێت، ئەو وتەیەی پێغەمبەری (دخ) بە بیر دێتەوە، کە لە غەزوەی “تەببوك” بە هاوڕێی خۆی “معاذ” ی فەرمووە: “ئەی معاذ، ئەگەر ژیان دەرفەتت بدا و تەمەنت درێژ بێت، نزیکە بە چاوی خۆت ئێرە ببینی، کە بۆتە باخ و بەهەشت”.
شایەنی باسە لە ماوەکانی ڕابردوودا، شەپۆڵێکی سەرما و بەفربارین و بارانبارین شانشینی عەڕەبی سعودیەی گرتەوە، وەکو “شیخ سعود الشریم”ـیش ئاماژەی بۆ کردووە، ئەوەیان دەرکەوتنی ڕاستی وتەکانی پێغەمبەری ئازیزمانە (دخ).
إرسال تعليق