موعجیزەی لەتکردنی دەریا لە کۆریا دووبارە بوویەوە

خوای گەورە لە قوڕئانی پیرۆزدا، باس لە چیرۆکی لەتکردنی دەریا دەکات، کە وەکو موعجیزەیەك لەسەر دەستی موسا پێغەمبەر “سڵاوی خوای لەسەربێت” پیشانی بەنو ئیسرائیلییەکانی دا، ئەو کاتەی بە گۆچانەکەی دەریای کرد بە دوو کەرت، بەڵام پرسیارەکە ئەوەیە، ئایا دووبارەبوونەوەی ئەو موعجیزەیە لە سەردەمی ئێستادا مومکینە، بە تایبەت کە زۆر کەس تا ئێستاش گومانیان لە موعجیزەکە هەیە؟!.

خوای گەورە ڕاستێتی موعجیزەکەی بە هاوشێوەیەکی سەردەمییانە پشتڕاستکردەوە، چونکە موعجیزەکەی موسا پێغەمبەر “سڵاوی خوای لەسەربێت” لەو سەردەمە دوورودرێژەدا، لە ئێستادا بووەتە دیاردەیەکی نوێ، کە هەزاران کەس لە دوورگەی “گێندۆ” لە کۆریای باشوور دەیبینن، بەوەی هەڵکشان و داکشان لە ناوەڕاستی ئاوی دەریا ڕوودەدات، کە بەهۆیەوە ئاوی دەریا دەبێتە دوو کەرت و ڕێڕەوێکی زەمینی وشك بە درێژایی 2.8 کیلۆمەتر و بەرینی 4 مەتر دروست دەبێت.

لەو ماوەیەشدا، حکومەتی کۆریای باشوور ڤیستیڤاڵێکی ئاهەنگگێڕان سازدەکات، ئەوەش وەکو هاندانێك بۆ ئەنجامدانی گەشتوگوزار، کە نزیکەی 50 هەزار کەس سەردانی دەکەن، کە پێڵاوی مەتاتی درێژیان پێدەدرێت تا بتوانن هاتوچۆی تێدا بکەن، گەشتیارانیش چێژ وەردەگرن لە کۆکردنەوەی قەوزەی سەوز و گوێچکەماسی، کە تەنها لەو ناوچەیەدا هەیە.