بەڵام هەرگیز کارکردن بۆ بەدەستهێنانی پارووە نانی ژیان ڕێگر نەبووە لەوەی ئیدریس پێغەمبەر “سڵاوی خوای لەسەر بێ” لە پەیوەندی لەگەڵ خوای کردگار داببڕێت، چونکە هەر جارێك دەرزی لە قوماش هەڵبكێشابا و دەریهێنابا، چوار وشەی دەوتن: سبحان الله و الحمدلله و لا إله إلا الله و الله أكبر.
با بزانین بۆچی خوای گەورە لە قوڕئانی پیرۆزدا بە پایەبەرز باسی ئیدریس پێغەمبەر دەكات..؟!، ئەوەتا لە قوڕئانی پیرۆزدا دەفەرمووێت: وَرَفَعْنَاهُ مَكَانًا عَلِيًّا، واتە: ئەی موحەممەد “دروودی خوای لەسەر بێ”، ئیدریسمان بەرز کردەوە بۆ شوێنێکی بەرز و بڵند.
دەگێڕنەوە، جارێكیان خوای گەورە بە ئیدریس پێغەمبەری فەرموو “سڵاوی خوای لەسەر بێ”: ئەی ئیدریس، ئایا دەزانی بۆچی پایەی تۆم بەرز كردۆتەوە..؟!، ئیدریس پێغەمبەر “سڵاوی خوای لەسەر بێ” فەرمووی: نەخێر، نازانم خودایە!.
خوای گەورە پێی فەرموو: بەهۆی زیكرە زۆرەكانی تۆوە، هەموو ڕۆژێك هێندەی نیوەی كردەوە چاكەكانی خەڵكی دونیا، كارە چاكەكانی تۆ بۆ لای من بەرز دەبنەوە!.
لێرەدا گەورەیی زمان پاراوییمان بە زیکر و ئەوراد بۆ دەردەکەوێت، بۆیە با دڵەکانمان بە زیکری خوای گەورە ڕابهێنین و خۆمانی لە نەگبەتییەکان زمان پێ ڕزگار بکەین.
إرسال تعليق