فەرمانبەری یەکەم وەڵامی دایەوە: بەڵێ گەورەم = 5.
فەرمانبەری دووەم وەڵامی دایەوە: بەڵێ گەورەم = 5 ئەگەر ژمارە 1ـی بۆ زیاد بکەین.
فەرمانبەری سێیەم وەڵامی دایەوە: نەخێر گەورەم هەڵەیە، چونکە ئەنجامەکە = 4.
لە ڕۆژی دووەمدا، دوو لەو سێ فەرمانبەرە هاوڕێکەیان لە کارەکەیاندا نەبینی..!، پاش پرسیارکردن، زانیان لە کارەکەی دوورخراوەتەوە!.
لەو سەروبەندەدا، جێگری بەڕێوبەر تووشی سەرسوڕمانی هات و بە بەڕێوبەرەکەی وت: گەورەم، بۆچی دەستبەرداری فەرمانبەری سێیەم بووی؟!.
بەڕێوبەرەکە وەڵامی دایەوە:
|| فەرمانبەری یەکەم درۆزنە و دەشزانێت درۆزنە (ئەو جۆرە کەسانەش داواکراو و قەبولکراون).
|| فەرمانبەری دووەم زیرەکە و دەشزانێت زیرەکە (ئەو جۆرە کەسانەش داواکراو و قەبولکراون).
|| بەڵام فەرمانبەری سێیەم ڕاستگۆیە و دەشزانێت ڕاستگۆیە (ئەو جۆرە کەسانەش ماندووکەرن و کارکردن و مامەڵەکردن لەگەڵیان سەخت و ئەستەمە).
لێرەدا بەڕێوبەرەکە بە جێگرەکەی وت: ئایا ئێستا بە ڕای تۆ ئەو ئەنجامە حیسابییە ڕاست و تەواوە: 2+2=5..؟!.
جێگری بەڕێوبەرەکە وەڵامی دایەوە: گەورەم، گوێبیستی وتەکانت بووم، منیش نەمتوانی ڕاڤەی بکەم، چونکە کەسانی وەکو من ناتوانن وتەی کەسانێکی زانا شیبکەنەوە!!!.
بەڕێوبەرەکە وەڵامی دایەوە: ئەو جۆرە مرۆڤانەی هاوشێوەی تۆش دووڕوون، دەشزانن دووڕوون (ئەو جۆرە کەسانەش خۆشەویستن).
|| ئەوەی لەو بابەتە بۆمان ڕووندەبێتەوە، واقیعێکی زۆر زۆر ئازاربەخشە، کە وەکو شێرپەنجە لە کۆمەڵگای مرۆڤایەتیدا بڵاوبووەتەوە، بە تایبەت کە کەسە هەلپەرست و بەرژەوەندیخوازەکان کردوویانەتە هۆکارێك بۆ گەیشتن بۆ مەرامەکانیان و ئامانجە کەسییەکانیان.
إرسال تعليق