لە یاری دوێنێ شەودا، کە هەڵبژاردەکەی ڕووبەڕووی هەڵبژاردەی ئەرمینیا بووە، ئەستێرەی پورتوگالی و باشترین یاریزانی جیهان “کریستیانۆ ڕۆنالدۆ”، توانی تاکە گۆڵی یارییەکە تۆمار بکات و هەڵبژاردەکەی لە شکست ڕزگار بکات و، بردنەوە و سێ خاڵی گرنگ بەدەستبێنێت.
بەو بردنەوەیەش، “کریستیانۆ ڕۆنالدۆ” توانی هەڵبژاردەکەی بهێڵێتەوە لە چوارچێوەی ڕکابەرییەکانی پاڵاوتنەکان و گەیشتن بە پاڵەوانێتی یۆرۆی 2016 لە فەڕەنسا.
ئەو گۆڵەی “کریستیانۆ ڕۆنالدۆ” نازناوێکی گرنگیشی بەو ئەستێرە جیهانییەی تۆپی پێ بەخشی، ئەویش نازناوی گۆڵکاری مێژوویی نەتەوەکانی ئەوروپا بە ڕێژەی 23 گۆڵ (پاڵاوتنەکان و کۆتاییەکان).
شایەنی باسە، پێشتر ئەو ژمارە پێوانەییە لەسەر ناوی یاریزانی هەڵبژاردەی دانیمارك “تۆماسۆن” بوو بە ڕێژەی 22 گۆڵ.
إرسال تعليق