یەکێك لەو وڵاتانەی جیهان، کە تایبەتمەندییەکی ناوازەی تێدایە، وڵاتی سەنگافورەیە، کە یەکێکە لە وڵاتانی کیشوەری ئاسیا، کە لە زۆر ڕووی ژیانەوە پێشکەوتنی گەورەی بەدەستهێناوە بە بەراورد بە وڵاتانی هاوتا و هاوسنووری خۆی.
تایبەتمەندییە جیاکەرەوەکەی وڵاتی سەنگافورە ئەوەیە، کە پاککەرەوەی شەقامەکانی نییە، ئەوە حاڵەتەش لە هیچ شوێنێکی دیکەی جیهاندا بوونی نییە، بەڵام با بزانین هۆکاری بوونی ئەو تایبەتمەندییە جیاوازە لە چییەوە هاتووە و چۆن بووەتە لایەنێکی گرنگی ژیانی هاونیشتیمانیانی سەنگافورە؟!.
لە وڵاتی سەنگافورە هەر هاوڵاتییەك زبڵ و پاشماوە لە شەقامەکان فڕێ بدات، لە ڕووی یاساییەوە سزا دەدرێت، بەوەی دەبێت بۆ ماوەی سێ ڕۆژ و بە جلوبەرگی پاککەرەوە، تەواوی شەقامەکە پاك بکاتەوە.
ئەو یاسا ڕیشەییەی وڵاتە ئاسیاییەکە، سەنگافورەی خستووەتە پێشەنگی لیستی پاکترین وڵاتانی جیهان، هەروەکو بەو هۆیەشەوە پیشەی پاککەرەوەی شەقام بە یەکجاری لەو وڵاتەدا نەماوە.
إرسال تعليق