هەر چەند یارییەکە دۆستانە بوو، بەڵام بۆ سەماکەرانی سامبا گرنگی خۆی هەبوو، بە تایبەت لە ڕووی سڕینەوەی شوێنەوارە ئازاربەخشەکانی مۆندیالی بەڕازیل 2014، کە بە شێوەیەکی ئابڕووبەرانە کرانە دەرەوە و هەوادارانیان تووشی بێهێواییەکی زۆر گەورە کرد.
تورکەکان هیوایان بە جەماوەرەکەیان هەبوو لەسەر یاریگای “ئەتاتورکی ئۆلۆمپی” بە ڕووی بەڕازیلییەکان بوەستنەوە و سەرکەوتنیان بەسەردا تۆمار بکەن، بەڵام کەتیبەکەی “دۆنگای”ـی ڕاهێنەر بە پلانێکی زیرەکانە ڕووبەڕوویان بوونەوە و لەناو تورکیادا سەمای سامبایان نمایشکرد، سەرکەوتووش بوون لە برەودان بەو هەڵسانەوەیان کە لە دوای مۆندیال بەرپایان کردووە.
گۆڵەکانی بەڕازیل لەلایەن هەریەك لە “نێیمار داسیلڤا” دوو گۆڵ لە خولەکەکانی 20 و 60 و “ویلیان” لە خولەکی 44 و “سیمیح کایا” لە خولەکی 24 کە بە هەڵە لە گۆڵی خۆیان تۆماریکرد.
إرسال تعليق