یارییەکە لەسەر یاریگای “ستامفۆرد بریدگ” بەڕێوەچوو، تێیدا یانەی چێلسی میوانداری یانەی ئەرسناڵی هاوشاری کرد، ڕووبەڕوونەوەکەیان زۆر بەهێز بوو، چونکە پێشتر ڕاهێنەری هەردوو یانەکە “خۆزێ مۆرینیۆ” و “ئارسین ڤینگەر” بە لێدوانی ئاگرین ڕووبەڕووی یەکتری بوو بوونەوە، بەڵام لەسەر یاریگا “خۆزێ مۆرینیۆ” گرەوەکەی لە “ئارسین ڤینگەر” بردەوە و توانی تیپەکەی بە تەکتیکێکی بەرز و جوان ئامادە بکات بۆ یەکلاییکردنەوەی ڕووبەڕووبوونەوەکە بۆ بەرژەوەندی خۆی.
لەو یارییەدا یانەی چێلسی بە ئاستێکی زۆر بەرز دەرکەوت و بە ئەنجامی 2-0 سەرکەوتنی بەسەر تۆپوەشێنەکان بەدەستهێنا و پێگەی خۆی لە پێشەنگی خولی ئینگلیزی “پرێمەرلیگ” قایمتر کرد، توانیشی پارێزگاری لە زنجیرە سەرکەوتنەکانی خۆی لە دەستپێکی ئەو وەرزە بکات، کە لە کۆی 7 یاریدا، 6 بردنەوە و تەنها یەك یەکسانبوونی هەیە.
گۆڵەکانی چێلسی لەلایەن یاریزانان “ئیدین هازارد” بە لێدانی پەناڵتی لە خولەکی 27 و “دییگۆ کۆستا” بە لێدانی پەناڵتی لە خولەکی 78ـەوە تۆمارکران، “دییگۆ کۆستا”ـی هێڕشبەریش بە تۆمارکردنی ئەو گۆڵە، کۆی گۆڵەکانی لەو وەرزەدا گەیاندە 9 گۆڵ و سەرووی لیستی گۆڵکارانی خولی ئینگلیزی “پرێمەرلیگ”ـی گرتووە، هەروەکو “ئیدین هازارد”یش ئەستێرەی درەوشاوەی یارییەکە بوو و، بە ئاستێکی ئێکجار بەرز دەرکەوت و، فاکتەری سەرەکی بردنەوەکەی شینپۆشەکانی لەندەن بوو.
إرسال تعليق