توێژەران ئەنجامی تاقیکردنەوە سەرەتاییەکانی میوەی درەختی “بلاشوود”ـیان ئاشکرا کرد، کە دەیسەلمێنن ئەو میوەیە کارا و کاریگەرە بۆ چارەسەرکردنی 70%ـی جۆرەکانی شێرپەنجە، کە تووشی مرۆڤ دەبن، دەرمانی ئەزموونیش بەرهەمهێنراوە بۆ تاقیکردنەوەی چارەسەرییەکە لەسەر گیانەوەرە ڕیشاڵییە تووشبووەکان بە شێرپەنجە، لەوانە: پشیلە و سەگ و ئەسپەکان.
زانایان لە پەیمانگای توێژینەوە پزیشکییەکان “QIMR”، بۆیان دەرکەوتووە، یەك دەرزی لە دەرمانی “EBC-46”، کار دەکات لەسەر هەرەسپێهێنانی گرێیەکان لە چەندین نموونەی ئەو جۆرە شێرپەنجانەی مرۆڤ تووشیان دەبێت، لەناویشیاندا شێرپەنجەی پێست، نەخاسمە شێرپەنجەکانی سەر و مل و قۆڵۆن.
شایەنی باسە، دەرمانی “EBC-46”، کە لەلایەن کۆمپانیای “EcoBiotics” دۆزراوەتەوە، بریتیە لە پێکهاتەیەکی دەرهێنراو لە میوەی درەختی “بلاشوود”، ئەو میوەیەش لە دارستانەکانی باکوری “کوینزلاند” هەیە لە ئوستوڕاڵیا.
إرسال تعليق