چۆن مرۆڤ بڕیار لە چارەنووسی خۆی دەدات؟!

شازادەکە ڕووی لە مامۆستاکەی کرد و پێیوت: “نیازم وایە دەستبەرداری هەموو شتێك بم، بۆیە تکام وایە وەکو شوێنکەوتەیەکی خۆت وەرم بگری!”.

مامۆستاکە پرسیاری لێکرد و پێیوت: “چۆن مرۆڤ بڕیار لە چارەنووسی خۆی دەدات!”.

شازادەکە وەڵامی دایەوە: “بە قوربانیدان، چونکە ئەو ڕێگەیەی قوربانیدانی گەڕەکە، ئەویان ڕێگە ڕاستەکەیە!”.

لەو دەمەدا مامۆستاکە خۆی کێشا بە هەندێك ڕەفە و گوڵدانێکی گرانبەها کەوتە خوارەوە، شازادەکە خۆی نەوی کرد تا گوڵدانەکە هەڵبگرێتەوە، بەڵام خراپ کەوتە خوارەوە و باسکی شکا، بەڵام توانی گوڵدانەکە لە شکان ڕزگار بکات.

مامۆستاکە پرسیاری لێکردەوە و پێیوت: “کامەیان قوربانیدانە گەورەکەیە، ببینی گوڵدانەکە تێکشکاوە یان باسکی مرۆڤێك شکاوە بەهۆی ڕزگارکردنی گوڵدانەکە لە شکان؟!”.

شازادەکە وەڵامی دایەوە: “نازانم!”.

مامۆستاکە بەو وتەیە وەڵامی دایەوە: “کەواتە چۆن دەتوانی ڕێنموونی خۆت بکەی بۆ ڕێگە ڕاستەکە؟!، هەڵبژاردنی ڕێگەی ڕاست بەهۆی توانامان لەسەر خۆشەویستییەکەی دەبێت، نەوەکو بە ئازارچەشتن لە پێناوی!”.